ការកាប់ឈើជាច្រើនកន្លែង លក់ឲ្យតាហៃនៅក្រុមហ៊ុន ជាប់ក្រុមហ៊ុនស៊ីបាយអូតិក ត្រូវសមត្ថកិច្ចរកឃើញ

ខេត្តស្ទឹងត្រែង៖​ កម្លាំងកងរាជអាវុធហត្ថខេត្តស្ទឹងត្រែង​ កម្លាំងកងរាជអាវុធហត្ថលើផ្ទៃប្រទេស​ និងកម្លាំងបរិស្ថាន នៅថ្ងៃទី១៥-១៦​ ខែកុម្ភៈ​ ឆ្នាំ២០២១ បានចុះស្រាវជ្រាវ ករណីគល់ឈើជារណ្ដៅ (ឈើច្បោះ)។

សមត្ថកិច្ចបានឲ្យដឹងថា ឈើទាំងនោះត្រូវបានគេកាប់រំលំ នៅចំណុចអូរឈ្លីកលើ (590652-1456894)​ អូរខ្សាចស្វា ( 590590-1459185 )​អូរតាពណ៌ (590537-1454189)​ ផ្លូវបំបែកជាបី ចូលក្រុមហ៊ុនស៊ីបាយអូតិក ចូលទៅអូរគ្រាក់ ,ចូលទៅបុសខ្នុរ (595423-1451578)​ ផ្លូវបែកអូរឡង់ ចូលទៅក្រុមហ៊ុន (595836-1451783)​ ភ្នំក្រហម (591293-1460268)​ មានចំការ​និងប្រជាពលរដ្ឋរស់នៅទីនោះ ប្រហែល២០នាក់ (ធ្វើចំការ និងកាប់ឈើ)​។

សមត្ថកិច្ចបន្តថា ការស្រាវជ្រាវរកឃើញគល់ឈើ កាប់ចំនួន ១៧៨គល់​ ប្រជាពលរដ្ឋបានប្រាប់ថា ពួកគាត់កាប់ឈើ លក់ឲ្យតាហៃនៅក្រុមហ៊ុន នៅចំណុចអូរគ្រាក់ ជាប់ក្រុមហ៊ុនស៊ីបាយអូតិក ក្នុងមួយម៉ែត្រគូប ក្នុងតម្លៃ ៦០០.០០០រៀល៕