ក្មេងប្រុសអាយុ៩ឆ្នាំម្នាក់ដើរឆ្លងផ្លូវ ត្រូវ​និស្សិត​សាលា​ច្បាប់​ឆ្នាំ​ទី៣ បើករថយន្តមិនប្រយ័ត្នបុកស្លាប់

ភ្នំពេញ៖ បុរស​ជា​និស្សិត​សាលា​ច្បាប់​ឆ្នាំ​ទី៣ ម្នាក់បើករថយន្ត​បុក​ក្មេងប្រុស​ម្នាក់ ដើរ​ឆ្លងផ្លូវ​ស្លាប់ភ្លាមៗ កាលពី​ថ្ងៃទី២០ ខែមករា ឆ្នាំ២០១៨នេះ ស្ថិតនៅ​ចំណុច​ផ្លូវ​បេតុង​ព្រៃ​ស ភូមិ​ត្រពាំង​ចក
សង្កាត់​ព្រៃវែង ខណ្ឌដង្កោ។

ក្មេងប្រុស​រងគ្រោះ​មានឈ្មោះ ម៉ុ​ន ប៊ុនហេង អាយុ៩ឆ្នាំ មាន​ទីលំនៅ​ភូមិ​ត្រពាំង​ចក សង្កាត់​ព្រៃវែង ខណ្ឌដង្កោ រីឯ​ជនបង្ក​ឈ្មោះ ស៊ុយ សារ៉ាក់ អាយុ២១ឆ្នាំ ជា​និស្សិត​ឆ្នាំ​ទី៣ នៅ​សាលា​
ភូមិន្ទ​និ​តី​សាស្ត្រ និង​វិទ្យាសាស្ត្រ​សេច​ដ្ឋ​កិច្ច មាន​ទីលំនៅ​ភូមិ​ស្នំ​ប្រាំពី ឃុំ​ម៉ាក់​ប្រា​ង ស្រុក​ទឹកឈូ ខេត្ដ​កំពត។

មុនពេល​កើតហេតុ គេ​បានឃើញ​រថយន្ដ​មួយគ្រឿង​ម៉ាក កាមរី​បា​ឡែ​ន ពណ៌​ស ដែល​ពាក់​ស្លាក​លេខ​2AQ-7081 បើកបរ​តែម្នាក់ឯង ក្នុងទិសដៅ​ពី​ជើង​ទៅ​ត្បូង ក្នុង​ល្បឿន​លឿន ក៏​វ៉ា​
ជាមួយ​រថយន្ដ​មួយគ្រឿង​ទៀត មិន​ចាំ​ម៉ាក​ក៏​ជ្រុល​ចង្កូត​ទៅបុក​ក្មេងប្រុស ដែល​ដើរ​ឆ្លងផ្លូវ​បណ្ដាល​ឲ្យ​ស្លាប់ភ្លាមៗ នៅ​កន្លែងកើតហេតុ​តែម្ដង។ ភ្លាមៗនោះ​ម្ចាស់​រថយន្ដ​បាន​ចុះ​ពី​រថយន្ដ​រត់
គេចខ្លួន ប៉ុន្ដែ​ត្រូវបាន​កម្លាំង​សមត្ថកិច្ច​ប៉ុស្ដិ៍​ព្រៃវែង ធ្វើការ​ឃាត់ខ្លួន​យកមក​ធ្វើការ​សាកសួរ។

បច្ចុប្បន្ន​ជនបង្ក​ត្រូវ​សមត្ថកិច្ច ប្រគល់​ទាំង​រថយន្ដ​ទៅ​ឲ្យ​កម្លាំង​ចរាចរណ៍​ផ្លូវគោក នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​កសាង​សំណុំរឿង​ចាត់ការ​តាម​នីតិវិធី។ ចំណែក​ក្មេងប្រុស
​រងគ្រោះ ត្រូវបាន​ក្រុមគ្រួសារ​យកទៅ​តម្កល់​វត្ដ​អង្គ​មេត្រី ដើម្បី​រៀបចំ​ធ្វើបុណ្យ​តាម​ប្រពៃណី៕

Loading...