ក្រសួង​អប់រំ ប្រាប់​ដល់​បុគ្គលិក​អប់រំ គ្រប់លំដាប់​ថ្នាក់ ឱ្យប្រញាប់​ទៅធ្វើ​តេស្ត រក​កូ​វីដ​១៩ បើ​កើតការ​សង្ស័យ​

ភ្នំពេញៈ នៅ​ថ្ងៃទី​២០ ខែមីនា ឆ្នាំ​២០២១ នេះ ក្រសួង​អប់រំ យុវជន និង​កីឡា បានចេញ​សេចក្តីជូនដំណឹង​មួយ ស្តីពី​ការពិនិត្យ សុខភាព​ផ្ទាល់ខ្លួន របស់​បុគ្គលិក​អប់រំ គ្រប់លំដាប់​ថ្នាក់​។​

​បើ​យោងតាម​សេចក្តីជូនដំណឹង របស់​ក្រសួង​អប់រំ បានបញ្ជាក់​ថាៈ កាលពី​កន្លងមក ក្រសួង​ធ្លាប់បាន​បញ្ជាក់ថា ប្រជាពលរដ្ឋ ដែល​ប៉ះពាល់​មនុស្ស​ច្រើន តែងមាន​ហានិភ័យ​ខ្ពស់ ដែល​ប្រឈម​នឹង​ការឆ្លង​ជំងឺ​កូ​វីដ​-១៩​។ ក្នុងករណី​នេះហើយ បើ​បុគ្គលិក​អប់រំ​រូប​ណា ដែល​បាន​ប៉ះពាល់​ជាមួយ សាធារណជន​ច្រើន ព្រមទាំង​កំពុង​រស់ នៅក្នុង​រាជធានី​ភ្នំពេញ និង​ខេត្តកណ្តាល និង​មាន​រោគសញ្ញា ដូចជាៈ គ្រុនក្តៅ ក្អក កណ្តាស់ ឈឺ ក ហៀរ​សំបោរ ហត់ ឬ ពិបាក​ដកដង្ហើម សូម​ទៅធ្វើ​តេស្តរ​កកូ​វីដ​-១៩ ឱ្យបាន​ឆាប់ តាម​ដែល​អាចធ្វើ ទៅបាន​។​

​គួរ​បញ្ជាក់ថា បើ​គិត​ត្រឹម ថ្ងៃទី​២០ ខែមីនា ឆ្នាំ​២០២១ នេះ កម្ពុជា មាន​អ្នក​ឆ្លង​ជំងឺ​កូ​វីដ​-១៩ សរុប ១.៦៣២ នាក់​, អ្នកជា​សះស្បើយ ៩៣៥ នាក់ , អ្នក​កំពុង​ព្យាបាល ៦៩២ នាក់ និង​ស្លាប់ ៣ នាក់​៕

Loading...