ឧត្តមគតិខ្មែរ លឿន រហ័ស អាចទុកចិត្តបាន
ខេត្តឧត្តរមានជ័យ៖ បែកធ្លាយភាពមិនប្រក្រតីរឿង ក្រុម ហ៊ុន ដានីដេង នាំសត្វជ្រូករស់ពីថៃ ចេញតាមច្រកទ្វាអន្តរ ជាតិអូរស្មាច់ សង្កាត់អូរស្មាច់ក្រុងសំរោង ខេត្តឧត្តរមានជ័យ លើសលិខិតអនុញ្ញាត របស់ក្រសួងកសិកម្ម។ប្រសិនជាការជាមាន ការនាំសត្វជ្រូកលើសមែននោះ សង្ស័យថាក្រុមហ៊ុន បានឃុបឃិតគ្នាជាមួយជំនាញ ក្នុងការបន្លំមិនបង់ពន្ធ ដែលនាំ ឲ្យបាត់បង់ ចំណូលចូលរដ្ឋ យ៉ាងច្រើន។យោងតាមប្រភពបានឲ្យដឹងថានៅថ្ងៃទី០២ខែកុម្ភៈឆ្នាំ ២០២១ ក្រុមហ៊ុន ដានីដេងបានធ្វើការដឹកជញ្ជូនសត្វជ្រូករស់ចេញ ពីខេត្តឧត្តរមានជ័យ ឆ្ពោះទៅតាមបណ្ដាខេត្ត ជាច្រើនគ្រឿងក្នុងមួយថ្ងៃៗ។
តាមការបញ្ជាក់ប្រាប់អោយដឹងពី
លោក សូត្រ សុីសុខឃាង ប្រធានមន្ទីរកសិកម្ម រុក្ខាប្រម៉ាញ់និងនេសាទខេត្តឧត្តរមានជ័យ ដល់អ្នកសារព័ត៌មានយើងថា ក្រុមហ៊ុន ដានី ដេង ដែលធ្វើអាជីកម្ម ដឹកជ្រូកពីប្រទេសថៃ រាល់ថ្ងៃនេះ គ្រប់គ្រង ដោយលោកស្រី ឈ្មោះហៅថា ចែធំ រស់នៅសង្កាត់អូរស្មាច់ ដែលជាភរិយា របស់លោកឧត្តមសេនីយ៍ត្រី មួយរូប។
សូមរំលឹកថា កន្លងទៅថ្មីៗនេះ ក្រុមហ៊ុន ដានីដេង ត្រូវបាននាយកដ្ឋានពេទ្យសត្វសង្ស័យថារថយន្តដឹកជ្រូកខាងលើលើសចំនួន ក៏បានសហការ ជាមួយ ព្រះរាជអាជ្ញាអមសា លាដំបូងខេត្តកំពង់ធំ ធ្វើការឃាត់រថយន្ត ក្រុមហ៊ុនដឹកសត្វជ្រូកនេះ ដោយរកឃើញថា ក្រុមហ៊ុននេះ ដឹកជ្រូកលើសលិខិតអនុញ្ញាត ពិតប្រាកដមែន៕
