ក្រុមហ៊ុន​វិនិយោគ​សម្បទាន​ដី​សេដ្ឋកិច្ច​ចំនួន​២៣​ ត្រូវ​បាន​ដកហូត​

​ភ្នំពេញ​៖​ ជា​លទ្ធផល​រហូត​មក​ដល់​ពេល​នេះ​ គម្រោង​វិនិយោគ​សម្បទាន​ ដី​សេដ្ឋកិច្ច​របស់​ក្រុមហ៊ុន​ចំនួន​២៣​សរុប​ផ្ទៃដី​៩០.៦៨២​ហិ​កតា​ ត្រូវ​ បាន​រាជរដ្ឋាភិបាល​សម្រេច​និរាករណ៍​ (​ដកហូត​)​ ហើយ​សិទ្ធិ​វិនិយោគ​ គម្រោង​ចំនួន​២​ ផ្ទៃដី​សរុប​១០.៣៨៩​ហិ​កតា​ ក៏​ត្រូវ​បាន​កាត់​បន្ថយ​ទំហំ​ ផ្ទៃដី​វិនិយោគ​មក​ត្រឹម​២៣៥​ហិ​កតា​ និង​គម្រោង​ចំនួន​៤​ត្រូវ​បាន​រាជ​ រដ្ឋាភិបាល​ទុក​ឱ្យ​រយៈ​ពី​៦​ខែ​ទៅ​១​ឆ្នាំ​ ដើម្បី​បន្ត​នីតិវិធី​ស្ថិត​ក្រោម​ការ​ តាមដាន​ ហើយ​គម្រោង​ចំនួន​៣​ទៀត​មាន​ផ្ទៃដី​សរុប​២៥.៨៥៥​ហិ​កតា​ ត្រូវ​បាន​ក្រុមហ៊ុន​ប្រគល់​ដោយ​ស្ម័គ្រចិត្ត​ឱ្យ​រាជរដ្ឋាភិបាល​គ្រប់គ្រង​វិញ​។​

​នៅ​ក្នុង​សន្និសីទ​សារព័ត៌មាន​នា​ព្រឹក​ថ្ងៃ​ទី​០៦​ខែមករា​ ឆ្នាំ​២០១៥​ នេះ​នៅ​ទីស្តីការក្រសួង​ ឯកឧត្តម​ សាយ​ សំ​អាល់​ រដ្ឋមន្ត្រីក្រសួង​ បរិស្ថាន​ សាយ​ សំ​អាល់​ បានឱ្យ​ដឹង​ថា​ គម្រោង​វិនិយោគ​សម្បទាន​ដី​ សេដ្ឋកិច្ច​របស់​ក្រុមហ៊ុន​ចំនួន​២៣​សរុប​ផ្ទៃដី​៩០.៦៨២​ហិ​កតា​ ដែល​ត្រូវ​ ដកហូត​មាននៅ​ខេត្ត​ព្រះ​សីហ​នុ​ កោះកុង​ កំពង់ស្ពឺ​ កំពង់ធំ​ ព្រះ​វិហារ​ មណ្ឌលគិរី​ ឧត្តរមានជ័យ​ បាត់ដំបង​ បន្ទាយ​មាន​ជ័យ​ រតនគិរី​ និង​នៅ​ ខេត្តសៀមរាប​ ។​ ចំពោះ​ក្រុមហ៊ុន​ ដែល​ស្ម័គ្រចិត្ត​ប្រគល់​ដី​វិនិយោគ​ឱ្យ​ រាជរដ្ឋាភិបាល​គ្រប់​គ្រង់​វិញ​មាន​ក្រុមហ៊ុន​កសិឧស្សាហកម្ម​ទ្រី​ភាព​ អ៊ី​ម​ផត​អិ​ច​ផត​ នៅ​វីរ​ជ័យ​ខេត្តរតនគិរី​ចំនួន​៩.៧០៩​ហិ​កតា​ ក្រុមហ៊ុន​ក​សិ​-​ឧស្សាហកម្ម​ MDS​ THMORDA​ S.E.Z​ Co.,Ltd​ វីរ​ជ័យ​ខេត្តរតនគិរី​ ចំនួន​៩.១៤៦​ហិ​កតា​ និង​ក្រុមហ៊ុន​សិក្សា​រ៉ែ​ Future​ Environment​ ឱ​រ៉ា​ល់​កំពង់ស្ពឺ​ចំនួន​៧.០០០​ហិ​កតា​។​

​ឯកឧត្តម​រដ្ឋមន្ត្រី​បាន​បញ្ជាក់​ថា​ ការ​ដកហូត​នេះ​បន្ទាប់​ពី​ក្រសួង​ បាន​ពិនិត្យ​ និង​វាយតម្លៃ​គម្រោង​វិនិយោគ​អភិវឌ្ឍន៍​ទាំងអស់​ចំនួន​ ១១៣​ផ្ទៃដី​សរុប​៦៤៦.២៩៦,៧៥​ហិ​កតា​ ដែល​ក្នុង​នោះ​គម្រោង​ចំនួន​ ៣២​ត្រូវ​បាន​ដាក់​ឆ្លង​អង្គប្រជុំ​គណៈកម្មាធិការ​អន្តរក្រសួង​ ដើម្បី​ពិ​ភា​ ក្សា​ និង​លើក​សំណើ​ជូន​ប្រមុខ​រាជរដ្ឋាភិបាល​ពិនិត្យ​ និង​សម្រេច​ ។​ ឯកឧត្តម​រដ្ឋមន្ត្រី​បន្ត​ថា​ ក្នុង​រយៈពេល​មួយ​ឆ្នាំ​មកនេះ​ដែរ​ក្រសួង​បរិ​ ស្ថាន​បាន​បំពេញភារកិច្ច​ស្នូល​ ដោយ​ផ្តោត​លើ​គោលដៅ​សំខាន់ៗ​ចំ​ នួន​បី​ គឺ​កិច្ច​គាំពារ​បរិស្ថាន​ ការ​អភិរក្ស​ជីវៈចម្រុះ​ និង​ការ​រស់នៅ​ដោយ​ ចីរភាព​ ។​ ដើម្បី​សម្រេច​គោលដៅ​ទាំងនេះ​ ក្រសួង​បាន​កំណត់​អាទិ​ ភាព​ចម្បងៗ​ មួយ​ចំនួន​រួម​មាន​ ការ​កែសម្រួល​រចនាសម្ព័ន្ធ​គ្រប់គ្រង​ ការ​កែ​លម្អ​ក្របខ័ណ្ឌគតិយុត្តិ​ ការ​កសាង​ និង​ពង្រឹងសមត្ថភាព​មន្ត្រី​ រាជការ​ ការ​ត្រួតពិនិត្យ​ការ​បំពុល​ ការ​គ្រប់គ្រង​សំណល់​រឹង​ និង​រាវ​ ការ​ពង្រឹង​សកម្មភាព​ការពារ​ និង​អភិរក្ស​តំបន់​ការពារ​ និង​អភិរក្ស​តំបន់​ ធម្មជាតិ​ និង​ការ​គ្រប់គ្រង​វិនិយោគ​អភិវឌ្ឍន៍​ទាំងនេះ​ឱ្យ​មាន​ប្រសិទ្ធ​ភាព​៕

គំនិត​ដ៏​សាមញ្ញ​ តែ​សំខាន់​ជួយ​អ្នក​ជៀស​​ពី​ការ​កក​ស្ទះ​ចរាចរណ៍​

Loading...

Leave a Reply

Your email address will not be published. Required fields are marked *