ក្រុមអ្នកទោសបំផ្ទុះអាវុធ បង្កហិង្សា ស្លាប់របួសច្រើននាក់នៅអ៊ីតាលី

អ្នកទោសអ៊ីតាលី ​​បង្ហាញការខឹងសម្បាយ៉ាងខ្លាំង ​ខណៈរដ្ឋាភិបាលហាមប្រាមសាច់ញាតិចូលសួរសុខទុក្ខ ដោយសារខ្លាចឆ្លងរាលដាល នៃវីរុសផ្លូវដង្ហើមថ្មី​ កូវីដ-១៩។

ក្រុមអ្នកទោសបានបំផ្ទុះអាវុធ និង​ចាប់សន្តិសុខ​ធ្វើជាចំណាប់ខ្មាំង ហើយអំពើហិង្សានេះបាន​បណ្តាលឲ្យមនុស្ស ចំនួន៧នាក់ស្លាប់។ រីឯរដ្ឋាភិបាលក៏បានបញ្ជូនកម្លាំងសន្តិសុខជាច្រើនទៅជួយទប់ស្កាត់ស្ថានការណ៍ នៅក្នុង​ពន្ធនាគារ​នោះ​​។

ជាមួយគ្នានេះដែរ រដ្ឋាភិបាល​កំពុងពិភាក្សា ស្តីច្បាប់ថ្មី សម្រាប់អ្នកទោស ដើម្បីបង្កលក្ខណៈងាយស្រួលដល់សាច់ញាតិចូលទៅសួសុខទុក្ខ និងបញ្ចៀសអំពើហិង្សាដែលបានកើតឡើង។ កាលពីពេល​កន្លងទៅថ្មីៗនេះ អ្នកទោសអ៊ីតាលី​បានដុតមន្ទីរឃុំឃាំង ប្រឆាំងនឹងច្បាប់ហាមប្រាមរបស់រដ្ឋាភិបាល សម្រាប់សាច់ញាតិរបស់អ្នកទោស​ចូលទៅសួរសុខទុក្ខ។ រដ្ឋាភិបាលអ៊ីតាលីចេញបម្រាមបែបនេះ ក៏ជាវិធានការ ដើម្បីទប់ស្កាត់ការ​ឆ្លង​រាលដាល នៃវីរុសកូវីដ-១៩ ដល់អ្នកទោស។

អ៊ីតាលី ជាប្រទេសដែលមានអ្នកឆ្លងរាលដាលច្រើន ជាងគេបំផុត នៅក្នុងតំបន់អឺរ៉ុប ហើយរដ្ឋាភិបាលបង្ខំចិត្តប្រកាសអាសន្នផ្នែកសុខភាព នៅទូទាំងប្រទេស ហើយកាត់ផ្តាច់ពីពិភពលោកទាំងមូល​៕

 

Loading...