ថៃចាត់វិធានការបិទដំណើរការអាជីវកម្មនានា រួម​ទាំង​សាលារៀន​និង​កន្លែង​កម្សាន្ត​

ទីក្រុងបាងកក ប្រទេស​ថៃ​​ បានចាត់វិធានការ​បិទ​ដំណើរការ​អាជីវកម្ម​នានា​ រួម​ទាំង​សាលារៀន​និង​កន្លែង​កម្សាន្ត​ ស្រប​ពេល​ដែល​ករណី​ឆ្លង​ជំងឺ​កូវីដ១៩ នៅតែ​បន្ត​កើន​ឡើង។ នៅ​ថ្ងៃ​សុក្រ​នេះ ប្រទេស​ថៃ​បាន​រក​ឃើញ​ករណី​ឆ្លង​ថ្មី​ចំនួន ២៧៩ បន្ថែម​ទៀត ក្នុង​នោះ​រួម​មាន​ករណី​ស្លាប់​ ២។

ខេត្ត​ចំនួន ៧ ក្នុង​ប្រទេស​ថៃ រួម​ទាំង​ទីក្រុង​បាងកក ត្រូវបាន​ចាត់ទុក​ជា​តំបន់​ឆ្លងរាលដាល​ខ្លាំង។ ភោជនីយដ្ឋាន​ត្រូវបាន​អនុញ្ញាត​ឲ្យ​ដំណើរការ​សម្រាប់​ការ​ទិញ​ទៅ​បរិភោគ​នៅ​ផ្ទះ​តែ​ប៉ុណ្ណោះ ខណៈ​ការ​រឹតបន្តឹង​សកម្មភាព​ក្នុង​ប្រទេស​ នឹង​បន្ត​រហូត​ដល់​ពាក់​កណ្តាល​ខែ​មករា។

ការ​ឆ្លងរាលដាល​នេះ បាន​ផ្ទុះ​ឡើង​នៅ​ផ្សារ​លក់​គ្រឿង​សមុទ្រ​នៅ​តំបន់​ទី​ប្រជុំ​ជន Samut Sakhon ភាគខាង​ត្បូង​ទីក្រុង​បាងកក។ គិតត្រឹម​រយៈពេល​ ២៤ម៉ោង​កន្លងទៅនេះ ទីក្រុង​បាងកក បាន​រកឃើញ​ករណីឆ្លង​ថ្មី​ចំនួន ១៨០​នាក់៕

Loading...