FILE PHOTO: Singapore's Prime Minister Lee Hsien Loong speaks during an interview with BBC on March 2, 2021. Ministry of Communications and Information (MCI)/Handout via REUTERS

នាយករដ្ឋមន្ត្រី​សិង្ហ​បុរី​និយាយថា ប្រទេស​លោក​អាច​បើក​ព្រំដែន​ឡើង​វិញ​នៅ​យ៉ាងយូរ​ត្រឹម​ចុងឆ្នាំ​

​ប្រែ​សម្រួលៈ​វាសនា​/​សិង្ហ​បុរី​៖​ក្នុង​កិច្ចសម្ភាសន៍​មួយ នាយករដ្ឋមន្ត្រី លី សៀន​ឡុង របស់​សិង្ហ​បុរី បាន​និយាយថា​លោក​សង្ឃឹមថា សិង្ហ​បុរី​នឹង​បើក​ព្រំដែន​របស់​ខ្លួន​ឡើង​វិញ​នៅ​យ៉ាងយូរ​ត្រឹម​ដំណាច់​ឆ្នាំ​នេះ នៅ​​ពេល​ប្រទេស​កាន់តែ​ច្រើន​បង្កើន​ការចាក់​វ៉ាក់សាំង​អោយ​ពលរដ្ឋ​ខ្លួន​ប្រឆាំង​នឹង​វីរុស​កូរ៉ូណា​។​

​ប្រទេស​កូន​កោះ​នៅ​អាស៊ីអាគ្នេយ៍​មួយ​នេះ​បាន​ហាម​ការ​ធ្វើ​ដំណើរ​កម្សាន្ត​ភាគច្រើន តែ​បាន​រក្សាទុក​កម្មវិធី​ធ្វើដំណើរ​ផ្លូវការ​និង​ធុរកិច្ច​។​ឥឡូវ​ប្រទេស​នេះ​ក៏​កំពុង​ពិភាក្សា​អំពី​ការទទួលស្គាល់​វិញ្ញាបនបត្រ​​ចាក់​វ៉ាក់សាំង​ទៅវិញទៅមក​ជាមួយ​ប្រទេស​ផ្សេងៗ​។​

​លី​បាន​និយាយ​ក្នុង​កិច្ចសម្ភាសន៍​ជាមួយ​សារព័ត៌មាន​BBC​ដែល​ត្រូវបាន​ចាក់ផ្សាយ​កាលពី​ថ្ងៃអាទិត្យ​ទី​១៤​មីនា​ថា « ខ្ញុំ​សង្ឃឹមថា បើ​ប្រទេស​ជាច្រើន​អាច​ចាក់​វ៉ាក់សាំង​ប្រឆាំង​វីរុស​កូរ៉ូណា​អោយ​ពលរ​ដ្ឋខ្លួន​​បាន​មួយ​ភាគ​ធំ នៅ​យ៉ាងយូរ​ត្រឹម​ចុងឆ្នាំ​នេះ នោះ​យើង​នឹង​មាន​ជំនឿ​ចិត្ត ហើយ​បង្កើត​ប្រព័ន្ធ​បើក​ព្រំដែន​អន្តរជាតិ​ឡើងវិញ​សំរាប់​ការធ្វើដំណើរ​ដោយ​សុវត្ថិភាព​ជាថ្មី​។​សង្ឃឹមថា ត្រឹម​ចុង​ឆ្នាំ​ឬ​ឆ្នាំក្រោយ​​មាត់ទ្វារ​នឹង​ចាប់ផ្តើម​បើកចំហ​ឡើងវិញ បើ​មិន​បាន​លឿន​ជាង​នេះ​»​។​

​រដ្ឋ​បែប​ជា​ទីក្រុង​នេះ​គ្រប់គ្រង​ស្ថានការណ៍​កូវី​ដ​១៩​បាន​ល្អ​ដោយ​ការ​ការឆ្លង​ប្រចាំថ្ងៃ​ថ្មី​មាន​តែ​ពីរ​បី​ករណី ហើយ​បាន​ដាក់​ចេញ​កម្មវិធី​ចាក់​សាំង​របស់​ខ្លួន​មុនគេ​មុន​ឯង​ក្នុងចំណោម​ប្រទេស​ក្នុង​តំបន់ ដោយ​បាន​អនុម័ត​ប្រើ​វ៉ាក់សាំង​Pfizer-BioNTech និង Moderna​។​

​សិង្ហ​បុរី​ក៏​បាន​ទទួល​វ៉ាក់សាំង​ចិន​ពី​ក្រុមហ៊ុន​Sinovac Biotech មុន​ការអនុម័ត​ប្រើ​វា​។​លោក​លី​បាន​និយាយថា សិង្ហ​បុរី​នឹង​វាយ​តំលៃ​វ៉ាក់សាំង​នេះ​ហើយ​នឹង​ប្រើ​វា បើសិនជា​វា​ឆ្លងកាត់​ការត្រួតពិនិត្យ​ស្តង់​​ដា​សុវត្ថិភាព​និង​ប្រសិទ្ធភាព​៕

​​នាយករដ្ឋមន្ត្រី លី សៀន​ឡុង បាន​និយាយថា​ការឆ្លង​មួយថ្ងៃ​ពីរ​បី​ករណី​មាន​ន័យ​ថា សិង្ហ​បុរី អាច​យក​ពេលនេះ​ពន្យល់​ណែនាំ​អោយ​ពលរដ្ឋ​ខ្លួនដោយសារ​ មាន​អ្នកខ្លះ​ស្ទាក់ស្ទើរ​ក្នុង​ការទទួល​​វ៉ាក់សាំង​

FILE PHOTO: Singapore’s Prime Minister Lee Hsien Loong speaks during an interview with BBC on March 2, 2021. Ministry of Communications and Information (MCI)/Handout via REUTERS
Loading...