បុរស​ចំណាស់​ម្នាក់​ត្រូវ​ខ្សែភ្លើង​ឆក់​ស្លាប់​ ម្ចាស់​ស្រែ​ត​សម្រាប់​ឆក់​សត្វ​កណ្តុរ​

​ ​ខេត្ត​បន្ទាយ​មាន​ជ័​យៈ​ បុរស​វ័យ​ចំណាស់​ម្នាក់​ដើរ​កាត់​ស្រែ​គេ​សង្ស័យ​ស្កាត់​ជួប​ស្រី​ស្នេហ៍​ទាំង​យប់​ត្រូវ​ខ្សែភ្លើង​ឆក់​ស្លាប់​ ដែល​ម្ចាស់​ស្រែ​ត​សម្រាប់​ឆក់​សត្វ​កណ្តុរ​កុំឱ្យ​ចូល​ស៊ី​ស្រូវប្រាំង​។​ ហេតុការណ៍​កើតឡើង​ កាលពី​វេលា​ម៉ោង​៩​និង​៤៥​នាទី​យប់​ថ្ងៃ​ទី​២​ខែមីនា​ ឆ្នាំ​២០១៥​ នៅ​ចំណុច​ខាងលិច​ផ្លូវ​រថភ្លើង​ ប្រហែល​៥០​ម៉ែត្រ​ ស្ថិត​ក្នុងភូមិ​អូរ​ស្ងួត​ ឃុំ​អូរ​ប្រាសាទ​ ស្រុក​មង្គល​បូ​រី​ ខេត្តបន្ទាយមានជ័យ​។​

​ជន​រង​គ្រោះ​ត្រូវ​បាន​គេ​ស្គាល់ឈ្មោះ​ លី​ គឹ​ម​ឈាង​ អាយុ​៥៤​ ប្រកប​មុខរបរ​ អ្នក​រត់​រថយន្តឈ្នួល​រស់នៅ​ភូមិ​អូរ​ស្ងួត​ ឃុំ​អូរ​ប្រាសាទ​ ស្រុក​មង្គល​បូ​រី​ ចំណែក​ម្ចាស់​ ស្រែ​មានឈ្មោះ​ ហោ​ សំ​ផុ​ន​ ភេទ​ប្រុស​ អាយុ​ ៤០​ឆ្នាំ​ រស់នៅ​ភូមិ​ ឃុំ​ជាមួយ​ជន​រង​ គ្រោះ​។​

​ជុំវិញ​នៃ​ហេតុការណ៍​នេះ​ បើ​តាម​ប្រ​ភ​ព័ត៌មាន​ពី​សមត្ថកិច្ច​មូលដ្ឋាន​ប្រាប់​ឱ្យ​ដឹង​ថា​៖​មុន​ ពេល​កើតហេតុ​គេ​ឃើញ​ជន​រង​គ្រោះ​ជិះ​ម៉ូតូ​ឆា​លី​១​គ្រឿង​ពណ៌​ស​ ទៅ​ឈប់​នៅ​ក្បែរ​កន្លែង​កើ​ ត​ហេតុ​ប្រហែល​២០​ម៉ែត្រ​ បន្ទាប់​មក​ជន​រង​គ្រោះ​បាន​ចត​ម៉ូតូ​ចោល​ ហើយ​ដើរ​កាត់​ស្រែប្រាំង​ ដែល​គេ​សង្ស័យ​ថា​ទំនង​គាត់​ដើរ​លួចលាក់​ស្កាត់​ជួប​ស្រី​ស្នេហ៍​នៅ​រ៉ា​ចំការ​ចេក​។​

​លុះ​នៅ​ពេល​នោះ​ក៏​ស្រាប់​ត្រូវ​ខ្សែភ្លើង​ឆក់​ស្លាប់​តែ​ម្តង​។​ក្រោយ​ពី​កើតហេតុ​ម្ចាស់​ស្រែ​ឃើញ​បែប​នេះ​ ក៏​រត់​ចូល​ក្នុងភូមិ​ប្រាប់​សាច់ញាតិ​របស់​ខ្លួន​ពី​ហេតុ​ការ​នេះ​ ហើយ​ម្ចាស់​ស្រែ​បាន​រត់គេច​ខ្លួន​ បាត់​ ។​ បន្ទាប់​មក​ទើប​ធ្វើ​ឱ្យ​មានការ​ភ្ញាក់ផ្អើល​ដល់​អ្នក​ភូមិ​រួម​និង​ប្រពន្ធ​កូន​ជន​រង​គ្រោះ​តែ​ម្តង​។​

​បើ​តាម​ប្រភព​ព័ត៌មាន​ដដែល​បាន​ប្រាប់​ឱ្យ​ដឹង​ទៀត​ថា​៖​សព​ជន​រង​គ្រោះ​សមត្ថកិច្ច​ពិនិត្យ​ឃើញ​ស្នាម​ខ្សែភ្លើង​ឆក់​រោល​ខ្មៅ​នៅ​កជើង​ខាងឆេ្វង​១​កន្លែង​ ក្នុង​នោះ​ឃើញ​ មាន​ម៉ូ​ទ័​រ​ ចាប់​ជាមួយ​ធុងអាគុយ​៤០​អំពែ​ហើយ​មាន​ខ្សែលួស​រាយ​ជុំវិញ​ស្រែប្រាំង​ផង​នោះ​ទៀត​។​

​សព​ជន​រង​គ្រោះ​ក្រោយ​ពី​សមត្ថកិច្ច​ត្រួតពិនិត្យ​រួច​ ក៏​បាន​ប្រគល់​ក្រុម​គ្រួសារ​ដើម្បី​ យក​ទៅ​ចាត់ចែង​ធ្វើបុណ្យ​តាម​ប្រពៃណី​។​ចំណែក​ម្ចាស់​ស្រែ​ប្រឈម​និង​ផ្លូវច្បាប់​ជាប់ចោទ​ ពី​បទ​ឃាតកម្ម​ដោយ​អ​ចេតនា​៕​
IMG_1282
IMG_1278

​ ​

​ ​

Loading...

Leave a Reply

Your email address will not be published. Required fields are marked *