បុរស ៣នាក់ ជួបជុំផឹកស៊ី ល្មើសនឹងវិធានការសុខាភិបាល ត្រូវបានបញ្ជូនទៅតុលាការហើយ

ភ្នំពេញ: កម្លាំងស្នងការដ្ឋាននគរបាលរាជធានីភ្នំពេញ​ នៅថ្ងៃទី០៦ ខែមេសា ឆ្នាំ២០២១នេះ​ បានបញ្ជូនខ្លួនបុរស​ ៣នាក់​ ដែលផឹកស៊ីច្រៀងលេងសប្បាយយ៉ាងនៅខណ្ឌសែនសុខ​ ខណៈគឃ្លើនមិនស្ដាប់ការណែនាំរបស់អាជ្ញាធរមានសមត្ថកិច្ច គ្រាដែលជំងឺកូវីដ១៩ កំពុងផ្ទុះរីករាលដាលក្នុងសហគមន៍ ទៅសាលាដំបូងរាជធានីភ្នំពេញ ដើម្បីចាត់ការតាមច្បាប់​។

កាលពីថ្ងៃទី០៤ ខែមេសា ឆ្នាំ២០២១ ម៉ោង ១៧និង៣០នាទី ប៉ុស្តិ៍នគរបាលគោកឃ្លាង បានឃាត់ខ្លួនជនសង្ស័យ០៣នាក់ ករណីល្មើសវិធានការសុខាភិបាលក្នុងការប្រយុទ្ធប្រឆាំងជំងឺកូវីត១៩ (ជួបជុំស៊ីផឹក និងច្រៀងខារ៉ាអូខេ) នៅចំណុចមុខបន្ទប់ជួលក្នុងផ្សារបឹងបៃតង ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ បង្កដោយជនសង្ស័យ ៣នាក់ ៖
១-ឈ្មោះ អូន រតនា ភេទប្រុស អាយុ ៣៧ឆ្នាំ ជនជាតិខ្មែរ មុខរបរជាងម៉ាស៊ីនរោងចក្រវួយឈែង ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន)។
២-ឈ្មោះ ហូ រុនមុនី ភេទប្រុស អាយុ ៣០ឆ្នាំ ជនជាតិខ្មែរ មុខរបរលក់ដូរ ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន)។
៣-ឈ្មោះ ហេង សូវីត ភេទប្រុស អាយុ ៧២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅបន្ទប់ជួល ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) ៕

Loading...