ពលរដ្ឋ​ថា សត្តឃាដដ្ឋាន​១​កន្លែង​ក្នុង​ក្រុង​កំពត នៅតែ​បន្ត​ជះក្លិន​ស្អុយ​ប៉ះពាល់​បរិស្ថាន​

​ខេត្តកំពត​៖ អស់​រយៈពេល​ជាច្រើន​ឆ្នាំ​មកហើយ​ដែល​ដេប៉ូ​កាប់​ជ្រូក​-​គោ មួយកន្លែង ដែល​ស្ថិត​ក្នុងភូមិ​ទ្វី​ខាងជើង សង្កាត់​អណ្តូង​ខ្មែរ ក្រុង​កំពត នៅតែ​បាន​បង្ក​ឲ្យ​មាន​ក្លិនស្អុយ​យ៉ាងខ្លាំង ប៉ះពាល់​ដល់​សុខភាព​ប្រជាពលរដ្ឋ និង​បរិស្ថាន ដោយសារតែ​ដេប៉ូ​នេះ​មិនបាន​រៀបចំ​ទុកដាក់​កាកសំណល់​ឲ្យ​បាន​ត្រឹមត្រូវ និង​បង្ហូរ​ទឹកលូ​ចូល​ពេញ​ព្រៃ ខ្វះ​អនាម័យ មិន​ក្រែ​ចិត្ត​នរណាម្នាក់​សោះ​។

​បើតាម​ប្រភពពី​ប្រជាពលរដ្ឋ​ដែល​រស់នៅ​ក្បែរ​ទីតាំង​នោះបាន​ន​សម្តែង​ការមិន​ពេញចិត្ត​ថា ពួកគាត់​អស់ជំនឿ​ចិត្ត​យ៉ាងខ្លាំង​លើ​អាជ្ញាធរ ដែល​បាន​ដឹងលឺ​ពី​ផលប៉ះពាល់ តែ​មិន​ព្រម​មាន​វិធានការ និង​ដោះស្រាយ​ជូន​ពួកគាត់​ទាល់តែសោះ ហាក់ដូច​មិន​អើពើ​ទុក​លំបាក​ប្រជាពលរដ្ឋ​នោះទេ​។​

​ទាក់ទិន​ករណីនេះ ភ្នាក់ងារ​យើង បាន​សុំ​ការបំភ្លឺ​ពី​លោក ស៊ុយ ធា ប្រធាន​មន្ទីរ​បរិស្ថាន​ខេត្តកំពត​ម្តង​រួចមកហើយ កាលពី​ថ្ងៃ​អង្គារ​សប្តាហ៍​មុន ដោយ​រូបលោក​សន្យាថា នឹង​ចាត់​មន្ត្រី​ជំនាញ​ឲ្យ​ទៅពិនិត្យ​ចំពោះ​បញ្ហា​នេះ តែ​មកដល់ពេលនេះ​មិនទាន់​ឃើញ​មាន​សភាព​អ្វី​ប្រែប្រួល​នៅឡើយ​ទេ​។

​សូ​​ម​បញ្ជាក់ថា​សត្តឃាដដ្ឋាន​មួយ​នេះ​ត្រូវបាន​គេ​ស្គាល់​ថា មាន​ម្ចាស់​ដេញថ្លៃ​ជា​អ្នកមានអំណាច និង​ទ្រព្យសម្បត្តិ​ស្តុកស្តម្ភ​ម្នាក់​ទៀតផង​៕

kampot 2

kampot 1

kampot

Loading...

Leave a Reply

Your email address will not be published. Required fields are marked *