មកលេងផ្ទះ បងប្អូន បែរជាស្លាប់ដោយខ្សែភ្លើងឆក់   

កំពង់ចាម:បុរសម្នាក់បានចាកចេញពីផ្ទះមកលេងបងប្អូន ហើយឆ្លៀតពេលទំនេរបានតខ្សែភ្លើងឆក់ត្រី តែចៃដន្យ បានស្លាប់ដោយខ្សែភ្លើងឆក់់ បង្ករអោយមានការភ្ញាក់ផ្អើលនៅថ្ងៃទី០៨ខែឧសភាឆ្នាំ២០២០ នៅវេលាម៉ោង ៨និង៣០នាទីព្រឹក នៅភូមិត្រពាំងផ្អាវ ឃុំព្រីងជ្រុំ ស្រុកជើងព្រៃ ខេត្តកំពង់ចាម។ 

ប្រភពនៅកន្លែងកើតហេតុ បានអោយដឹងថា ក្រោយបានទទួលបានព័ត៌មាននេះភ្លាមសមត្ថកិច្ចមូលដ្ឋានបានចាត់តាំងកម្លាំងជំនាញផ្នែកពិនិត្យវិភាគទីកន្លែងកើតហេតុ ចុះសហការជាមួយប៉ុស្តិ៍នគរបាលរដ្ឋបាលព្រីងជ្រំុ គ្រូពេទ្យមណ្ឌលសុភាពឃុំព្រីងជ្រុំ និងអាជ្ញាធរមូលដ្ឋាន ហើយបានបង្កើតគណកម្មការ ចុះទៅដល់ទីកន្លែងកើតហេតុ ធ្វើការស្រាវជ្រាវពិនិត្យទីកន្លែងកើតហេតុ និងពិនិត្យសាកសព ឃើញថា : សពជនរងគ្រោះមាន ឈ្មោះ រស់ គឹមស្រ៊ាន់ ភេទប្រុស អាយុ៣៨ឆ្នាំ រស់នៅភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្តកំពង់ធំ បានមកលេងផ្ទះបងថ្លៃ ឈ្មោះ តន ណារី ភេទស្រី អាយុ៤១ឆ្នាំ រស់នៅភូមិត្រពាំងផ្អាវ ឃុំព្រីងជ្រុំ ស្រុកជើងព្រៃ ខេត្តកំពង់ចាម តាំងពី ថ្ងៃ៧ខែឧសភាឆ្នាំ២០២០ ។ 

លុះព្រឹកឡើងវេលាម៉ោង៨និង២០នាទីនាទីថ្ងៃទី០៨ខែឧសភាឆ្នាំ២០២០ ឈ្មោះរស់ គឹមស្រ៊ាន់ នេះបានយកខ្សែភ្លើងតចេញពីប្រអប់ព្រីភ្លើងនៅផ្ទះបងថ្លៃ ចូលទៅក្នុងស្រះដើម្បីឆក់ត្រីក្នុងស្រះខាងក្រោយផ្ទះរបស់បងថ្លៃ ពេលដែលតរួចរាល់ហើយក៏យកទៅឆក់ត្រី តែមិនទាន់បានឆក់ត្រីផង ស្រាប់តែឆក់ខ្លួនឯងបណ្តាលស្លាប់នៅមាត់ស្រះនោះតែម្តង។ 

ប៉ូលិសបានបន្តថាតាមការពិនិត្យសាកសពឃើញថាសាកសពមានសភាពស្លេកស្លាំង 1.ផ្នែកក្បាល់ : លើថ្ពាល់ខាងឆ្វេងមានស្នាមឆេះខ្លោចដោយខ្សែភ្លើងឆក់មួយកន្លែង2 ផ្នែកដងខ្លួន :  នៅលើស្មា ដើមដៃខាងឆ្វេង និងក្លៀកខាងឆ្វេង មានស្នាមឆេះរោលស្បែក ដោយខ្សែភ្លើងឆក់មួយកន្លែង3.ផ្នែកអវយវ: : គ្មានស្លាកស្នាម។

ផ្អែកតាមការពិនិត្យពីកន្លែងកើតហេតុ ផ្អែកតាមការបំភ្លឺរបស់សាក្សីជុំវិញទីកន្លែងកើតហេតុនិងផ្អែកតាមការពិនិត្យទៅលើសាកសពជនរងគ្រោះសមត្ថកិច្ចបានសន្និដ្ឋានបានថាជនរងគ្រោះពិតជាបានស្លាប់ដោយសារខ្សែភ្លើងឆក់ដោយខ្លួនឯងពិតប្រាកដមែន ពុំមានពាក់ព័ន្ធនឹងបទល្មើសព្រហ្មទណ្ឌទេក្រោយពីធ្វើការពិនិត្យសពរួចគណៈកម្មការបានប្រគល់សពអោយទៅបងប្អូនយកទៅធ្វើបុណ្យតាមប្រពៃណី ៕ 

Loading...