មេឈ្មួញឈើខុសច្បាប់ដ៏ធំនៅស្រុកឱរ៉ាល់ ជឿង ថេង​ មន្ត្រីយោធា​ភូមិភាគ៣​ រត់គេចខ្លួនហើយ

ខេត្តកំពង់ស្ពឺ៖ ប្រភពបានឲ្យដឹងថា មន្ត្រីយោធាពាក់សក្តិ​៤​ដែលពាក់ព័ន្ធមុខជំនួញរកស៊ីឈើល្មើសច្បាប់ដ៍ធំប្រចាំស្រុកឱរ៉ាល់កំពុងគេច​ខ្លួន បន្ទាប់កំលាំងសមត្ថកិច្ចចម្រុះកង​កម្លាំង​កងរាជអាវុធហត្ថ ខេត្តកំពង់ស្ពឺ ក្រុមការងារស្រាវជ្រាវព័ត៌មាន និង​បង្ក្រា​ប​បទល្មើសព្រៃឈើ នៃកងរាជា​អាវុធហត្ថលើផ្ទៃប្រទេស ជំនាញរដ្ឋ​បាលព្រៃឈើក្រោមការសម្របសម្រួលពីតំណាងអយ្យការសាលាដំបូងខេត្តកំពង់ស្ពឺបានបង្ក្រាបឃ្លាំងស្តុបឈើរក​ឃើញឈើជាច្រើនម៉ែតគូប ។

មន្ត្រីរដ្ឋបាលព្រៃឈើផ្នែកឱរ៉ាល់​បាន​ប្រាប់ឱ្យដឹង នៅព្រឹកថ្ងៃទី ២២ ខែធ្នូ ឆ្នាំ​២០១៦ថា ការបង្ក្រាបឃ្លាំងស្តុប​ឈើរបស់លោកជឿង ថេង មន្ត្រីយោធា​ភូមិភាគ៣នោះ កំលាំងចម្រុះកំពុងតែ​ធ្វើវាស់វែងហើយលទ្ធផលចំនួនឈើប្រ​មាណម៉ែតគូបមិនទាន់បូកសរុបនៅឡើយទេ ។ ប្រភពបន្តថា ម្ចាស់ទីតាំងស្តុប​ឈើខុសច្បាប់ជាមន្ត្រីយោធាមិនត្រូវបានចាប់ខ្លួនទេ ពេលនេះកំពុងរត់គេចខ្លួន​បាត់ស្រមោលហើយ ។

​កាលពីរសៀលថ្ងៃ​ទី​២២ ខែធ្នូ ឆ្នាំ២០១៦ កន្លងមកនេះ កំលាំងកងរាជអាវុធត្ថ​ លើផ្ទៃប្រទេស​សហការជាមួយអាវុធហត្ថខេត្ត មន្ត្រីជំ​នាញរដ្ឋបាលព្រៃឈើ អាជ្ញាធរដែនដី និងមានការសម្របសម្រួលពីតំណាង​អយ្យការសាលាដំបូង ខេត្តកំពង់ស្ពឺ ចុះបង្ក្រាបទីតាំងស្តុកឈើដ៏ធំមួយជ្រក​ក្រោមស្លាកវីង ស្ថិតនៅភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ដែលមានម្ចាស់ឈ្មោះ ជឿង ថេង​ ភេទប្រុស អាយុ ៣៨ឆ្នាំ មុខ​របររកស៊ីឈើ និងជាមន្ត្រីយោធាពាក់​សក្តិ៤ បំរើការងារក្នុងការិយាល័យទី២ នៃបញ្ជាការដ្ឋាន យោធភូមិភាគ៣​ រក​ឃើញទីតាំងលាក់ឈើ ៩កន្លែងនៅ​ក្នុងឃ្លាំងដ៏ធំនោះគឺ៖ដាក់នៅក្នុងឃ្លាំង នៅក្នុងរោង ទីវាល ក្នុងស្រះទឹក បង្កប់​ក្រោមអុសដាក់គរពីលើ លើរថយន្តកូរ៉េ ក្នុងរថយន្តឃ្លប់បិទស្លាកយីហោផលិតផលភេសជ្ជៈកូរ៉េ។

ឈ្មោះ ជឿង ថេង នេះ កាលពីពីអំឡុងខែមិថុនា ឆ្នាំ២០១៦​កន្លងមករថយន្តយីឌុបយក្ស​ ១គ្រឿង របស់លោកបានដឹកឈើរាជកុល (ម្រិញ)ប្រមាណជាង ៧០តោន បង្ករឱ្យបាក់ស្ពានបាឡេមួយកន្លែង ក្នុងភូមិជ័យសេនា ឃុំកោះស្លា ស្រុកឈូក ខេត្តកំពតមានការល្បី​ល្បាញទូទាំងប្រទេស ។ ក្រោយពីមាន​បទបញ្ជា​ពីថ្នាក់លើ នៅថ្ងៃទី១៨ ខែមិថុនា ឆ្នាំ២០១៦ លោកជឿង ថេង ត្រូវបានសមត្ថកិច្ចឃាត់ខ្លួនបញ្ជូនទៅ​តុលាការខេត្តកំពតដើម្បីទទួលខុសត្រូវ​ចំពោះមុខច្បាប់យស៊ើបសួរតាមដីការ២ហើយត្រូវបានឃុំខ្លួនបណ្តោះអាសន្ន បន្ទាប់មកលោក ជឿង ថេង សង​ថ្លៃ​បាក់ស្ពាន​ចំនួន ២០០លានរៀល និងបង់ប្រាក់ពិន័យចំនួន២២២.២២០.០០០រៀល លុះដល់ថ្ងៃទី១៥ ខែកក្កដា ឆ្នាំ២០១៦ តុលាការបានសម្រេចដោះ​លេង​ ជឿង ថេង ឱ្យក្រៅឃុំបណ្តោះ​អាសន្នបានស្ងប់ស្ងាត់មួយរយ:ស្រាប់តែ​ចាប់ផ្តើមមុខរកស៊ីឈើខុសច្បាប់ឡើង​វិញដើម្បីស្រង់ដើម ប៉ុន្តែត្រូវបានសមត្ថ​កិច្ចបង្ក្រាប ។

កាប់បំផ្លាញព្រៃឈើ​ក្នុងតំបន់ហាមឃាត់ជួរភ្នំក្រវាញ ជួរឱ​រ៉ាល់ ខេត្តកំពង់ស្ពឺ ខេត្តពោធិ៍សាត់ និង​ ខេត្តកោះកុង​ហើយមេឈ្មួញឈ្មោះ ជឿង ថេង​ បានប្រមូលទិញ ស្តុបទុក​ស្រុកឱរ៉ាល់ ក្នុងទឹកដីខេត្តកំពង់ស្ពឺ​ រួច​ដឹកបន្តទៅលក់នៅព្រំដែនវៀតណាម​តាមច្រកតន់ហន់ ខេត្តកំពត ។​ ក្រៅពី​លោកជឿង ថេងមានមេឈ្មួញរកស៊ី​ឈើធំម្នាក់ទៀតឈ្មោះ ស ជាកូនប្រ​សារលោកឆេង ឡុងមន្ត្រីអាវុធហត្ថ​ខេត្តកំពង់ស្ពឺ មិនដែលសមត្ថកិច្ចចាប់​ ៕

Loading...