រថយន្តកុងតឺន័រក្រុមហ៊ុនផែស្ងួតហុង ឡេង ហួរបុកម៉ូតូស្លាប់២នាក់

ភ្នំពេញ ៖ ចេញពីជួបជុំមិត្តភក្តិថ្ងៃសែនក្បាលទឹកជិះម៉ូតូឆ្លងផ្លូវត្រូវរថយន្តកុងតឺន័រក្រុម ​ហ៊ុន​ផែស្ងួតហុង ឡេង ហួរ បុកបណ្តាលឲ្យស្លាប់ម្នាក់នៅកន្លែងកើតហេតុ និងម្នាក់ទៀតស្លាប់ពេល បញ្ជូនទៅដល់មន្ទីរពេទ្យ។ គ្រោះថ្នាក់នេះកើតឡើងនៅវេលាម៉ោង៨និង១០​នាទីយប់ថ្ងៃទី២៨ ខែសីហា តាម​បណ្តោយផ្លូវជាតិលេខ4 ភូមិវាល សង្កាត់កន្ទោក ខណ្ឌពោធិ៍សែនជ័យ។

សាក្សីនៅកន្លែងកើតហេតុបានឲ្យដឹងថា មុនពេលកើតហេតុជនរងគ្រោះជិះម៉ូតូស្កុកពី ពណ៌ខៀវ  ពាក់ស្លាកលេខ ភ្នំពេញ 1AT5644 ជិះគ្នា២នាក់ ទើបនឹងចេញពីផ្ទះមិត្តភក្កិនៅ ស្រុកអង្គស្នួល ខេត្តកណ្តាល បើកបរពីលិចទៅកើតតាមផ្លូវជាតិលេខ៤ ចំណែករថយន្ត កុងតឺន័រម៉ាក គា ពណ៌សលាយទឹកប៉ិច ពាក់ស្លាកលេខ​ ភ្នំពេញ 3B 6742បើកបរពីកើតទៅលិច មកដល់ចំណុចខាងលើ ម៉ូតូបត់ឆ្វេងឆ្លងផ្លូវត្រូវរថយន្តកុងតឺន័របុកចំពីមុខពេញទំហឹង អូសម៉ូតូជាប់ពីមុខរថយន្តអូសជាង១០ម៉ែត្រទើបរថយន្តឈប់ ហើយអ្នកបើករថយន្តរត់គេចខ្លួនបាត់ ចំណែកអ្នកបើកម៉ូតូផ្លោងបោកនឹងរថយន្តរហែកអាវរយះដើមទ្រូងស្លាប់នៅកន្លែងកើត​ ហេតុ រីឯអ្នករួមដំណើរជាមួយសន្លប់ស្តូកស្តឹងត្រូវរថយន្តសង្គ្រោះដឹកយកទៅដល់ មន្ទីរពេទ្យបែកចានក៏ដាច់ខ្យល់ស្លាប់បាត់ ។

សពជនរងគ្រោះដែលស្លាប់នៅកន្លែងកើតហេតុមានឈ្មោះសឿន ថេន ភេទប្រុស អាយុ28 ឆ្នាំ មុខរបរជាងឈើ ស្នាក់នៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ មាន​ស្រុកកំណើតនៅភូមិជម្ពូព្រឹក ឃុំចំប៉ា ស្រុកព្រៃកប្បាស ខេត្តតាកែវ ត្រូវបានសាច់ញាតិ ដឹកយកទៅធ្វើបុណ្យតាមប្រពៃណីនៅស្រុកកំណើត ។

ចំណែកសពដែលស្លាប់ពេលបញ្ជូនដល់មន្ទីរពេទ្យឈ្មោះ ​ ភ័ក្រ្ត ភេទប្រុស អាយុ30ឆ្នាំ ធ្វើការនិងស្នាក់នៅជាមួយគ្នា ​មានស្រុកកំណើតនៅភូមិពោធិ៍រោង ស្រុកជីផុច ខេត្តព្រៃវែង ត្រូវបានដឹកយកទៅតម្កល់ទុកនៅវត្តក្នុងស្រុកអង្គស្នួលរង់ចាំសាច់ញាតិមក ទទួលយកទៅធ្វើបុណ្យតាមប្រពៃណី ។

ក្រោយពេលកើតហេតុរថយន្តនិងម៉ូតូត្រូវបានសមត្ថកិច្ចធ្វើការវាស់វែងយកទៅដោះស្រាយ នៅការិយាល័យនគរបាលចរាចរណ៍ផ្លូវគោករាជធានីភ្នំពេញ ៕

 

2015_08_29_10_50_10 2015_08_29_10_50_10_1 2015_08_29_10_50_10_2

 

Loading...

Leave a Reply

Your email address will not be published. Required fields are marked *