រថយន្ត​ដឹក​ទំនិញ​សំពីងសំពោង​សង្ស័យ​ទំនិញគេចពន្ធ​បើក​បុក​បង្កា​ន់​​ដៃ​ទឹកថ្លា​ធ្លាក់​ទំនិញ​ខ្ចាត់ខ្ចាយ​ពេញ​ថ្នល់​

​ខេត្តបន្ទាយមានជ័យ​៖ ​ ​រថយន្ត​ម៉ាក​កាម​រី​កែ​ច្នៃ​១​គ្រឿង​គេ​មើលឃើញ​ថា​បាន​ដឹក​ទំនិញ​សំពីងសំពោង​ចេញពី​ច្រកព្រំដែន​កម្ពុជា​-​ថៃ​ ដែល​គេ​សង្ស័យ​ថា​ជា​ទំនិញគេចពន្ធ​ខុសច្បាប់​បាន​បើ​កម​កបុង​ បង្កា​ន់​ ដៃ​ស្ពាន​ទឹកថ្លា​បណ្តាល​ឱ្យ​ក្រឡាប់​ផ្លោង​ខ្ទាត​ទំនិញ​ពេញ​ថ្នល់ជាតិ​ ។

​ប៉ុន្តែ​ហេតុការណ៍​នេះ​គេ​ រាយ​ការ​មក​ថា​មិន​បង្ក​ឱ្យ​មនុស្ស​ណា​ម្នាក់​ទទួល​រង​របួស​និង​ស្លាប់​នោះ​ទេ​។​គ្រោះថ្នាក់​ចរាចរណ៍​បង្ក​ដោយ​ខ្លួនឯង​នេះ​ កើតឡើង​កាលពី​វេលា​ម៉ោង​៣​ទាប​ភ្លឺ​ថ្ងៃ​ទី​១២​ ខែមីនា​ ឆ្នាំ​ ២០១៥​ នៅ​លើ​កំណត់​ផ្លូវជាតិ​លេខ​៥​ចំណុច​ស្ពាន​ទឹកថ្លា​ ស្ថិត​ក្នុងភូមិ​ទឹកថ្លា​សង្កាត់​ទឹកថ្លា​ក្រុង​ សិរី​សោភ័ណ​ ខេត្ត​ បន្ទាយ​មាន​ជ័យ​។​

​បើ​តាម​ប្រភព​ព័ត៌មាន​ពី​ប្រជាពលរដ្ឋ​ឃើញ​ហេតុការណ៍​បាន​ប្រាប់​ឱ្យ​ដឹង​ថា​ មុន​ពេល​កើតហេតុ​គេ​ឃើញ​រថយន្ត​ម៉ាក​កាម​រី​សេរី​ចាស់​កែ​ច្នៃ​មួយ​គ្រឿង​បាន​ដឹក​ទំនិញ​អីវ៉ាន់​សំពីង​ សំពោង​ ធ្វើ​ដំណើរ​យ៉ាង​លឿន​ក្នុង​ទិស​ដៅ​ពី​លិច​មក​កើត​ លុះ​បើក​មក​ដល់​ចំណុច​កើតហេតុ​ ជា​កន្លែង​ផ្លូវ​កោង​ ដោយ​រថយន្ត​ដឹក​ធ្ងន់​លើស​ចំណុះ​ និង​ដឹក​សំពីងសំពោង​ខ្លាំង​ពេក​ទំនង​ កាច់ចង្កូត​មិន​ទាន់​បណ្តាល​ឱ្យ​រថយន្ត​ជ្រុល​ទៅ​បុក​បង្កាន់ដៃស្ពាន​ខាងត្បូង​ធ្វើ​ឱ្យ​ក្រឡាប់ចាក់​ ទំនិញ​ចោល​ពេញ​ផ្លូវជាតិ​តែ​ម្តង​។​ចំណែក​បង្កាន់ដៃស្ពាន​រង​ការ​បាក់​ខូចខាត​ផង​ដែរ​។

​ក្រោយ​ ពី​កើតហេតុ​ភ្លាម​គេ​ឃើញ​មាន​រថយន្ត​ម៉ាក​នី​សាន់​មួយ​បាំង​កន្លះ​ពាក់​ស្លាក​លេខ​បន្ទាយ​មាន​ ជ័យ​២A​ ០១១២​ បាន​បើក​មក​សាង​ទំនិញ​ដឹក​ចេញ​ទៅ​ បាត់​ចំណែក​រថយន្ត​ ក្រឡាប់​ត្រូវ​ បាន​ គេ​អូស​យក​ទៅ​យ៉ាង​ស្ងៀមស្ងាត់​ដោយ​មិន​ រំខាន​ដល់​សមត្ថកិច្ច​នោះ​ឡើយ​។​ ម្ចាស់​ទំនិញ​ និង​អ្នកបើកបរ​រថយន្ត​បង្ក​គ្រោះថ្នាក់​បណ្តាល​ឱ្យ​ខូចខាត​ទ្រព្យសម្បត្តិ​សាធារណៈ​ គេ​មិន​បាន​ ស្គាល់​អត្ត​សញ្ញា​ន​ម​នោះ​ឡើយ​ហើយ​មិន​ត្រូវ​បាន​សមត្ថកិច្ច​ស្រាវជ្រាវ​ស្វែងរក​ឃាត់​ដើម្បី​ផាកពិន័យ​សង​ថ្លៃ​ខូចខាត​ជូន​រដ្ឋ​ផង​ដែរ​។​សមត្ថកិច្ច​ប្រាប់​ឱ្យ​ដឹង​ថា​ហេតុការណ៍​ខាងលើ​សមត្ថកិច្ច​ ពុំ​បានដឹង​នោះ​ទេ​៕

IMG_2006
IMG_2005
IMG_2004
IMG_2003

Loading...

Leave a Reply

Your email address will not be published. Required fields are marked *