រថយន្ត​ដឹក​ធ្ងន់​ បួង​ចង្កូត​បត់​ឆ្វេង​បណ្តាល​ឲ្យ​ក្រឡាប់​ធ្លាក់​កង់​ម្ខាង​ពី​ផ្លូវ​ របួសធ្ងន់​២​នាក់​

​ភ្នំពេញ​ ៖​ រថយន្ត​ម៉ាក​ហ៊ី​យ៉ា​ន់​ដាយ​ ព​ណ៍​ស​ លាយ​បៃតង​ ពាក់​ស្លាក​លេខ​ ភ្នំពេញ​ 3A​ 3902​ ដែល​ផ្ទុក​ដឹក​ធ្យូង​អនាម័យ​ សង្ស័យ​តៃកុង​បើក​បួង​ចង្កូត​បត់​ឆ្វេង​ធ្លាក់​កង់​ម្ខាង​ពី​ផ្លូវ​បេតុង​ ។​ រថយន្ត​ក្រឡាប់​ដេក​ផ្អៀង​ក្បែរ​ចិញ្ចើម​ផ្លូវ​លេខ​២៧១​ កែង​និង​ផ្លូវ​វេ​ង​ស្រេង​ ចំណុច​ច្រមុះជ្រូក​ស្ទឹង​មាន​ជ័យ​ មុខ​វិទ្យាស្ថាន​អន្តរជាតិ​ប៊ែ​ល​ធី​ ក្នុងភូមិ​ឬ​ស្សី​ សង្កាត់​ស្ទឹង​មាន​ជ័យ​ ខណ្ឌមានជ័យ​ របួសធ្ងន់​កម្មករ​ដែល​អង្គុយ​លើ​បាវ​ធ្យូង​២​នាក់​ ។​ ហេតុការណ៍​នេះ​បាន​កើតឡើង​កាលពី​វេលា​ម៉ោង​១០​និង​១៥​នាទី​ព្រឹក​ ថ្ងៃ​ទី​៣​ ខែសីហា​ ឆ្នាំ​២០១៥​ ។​

​គ្រោះថ្នាក់​ចរាចរណ៍​កើតឡើង​ស្រប​ពេល​ដែល​រថយន្ត​រង​គ្រោះ​ខាងលើ​ ផ្ទុក​ដឹក​ធ្យូង​អនាម័យ​ពេញ​ និង​មាន​មនុស្ស​ជិះ​៤​នាក់​ ចេញពី​ក្នុងភូមិ​ឫស្សី​ តាម​បណ្តោយ​ផ្លូវ​លេខ​២១៧​ ក្នុង​ទិស​ដៅ​ពី​ត្បូង​ទៅ​ជើង​ ស​ម្តៅ​យក​ទៅ​ដាក់​កន្លែង​ក្រុមហ៊ុន​ជប៉ុន​ នៅ​រង្វង់​មូល​ទួល​គោក​ ។​ លុះដល់​ចំណុច​កើតហេតុ​ខាងលើ​ ដែល​ជា​កន្លែង​ទើប​ចាក់​បេតុង​រួច​ម្ខាង​ នៅ​សល់​ម្ខាង​ទៀត​ មិន​ទាន់​ចាក់​ តៃកុង​បើក​បត់​ឆ្វេង​ធ្លាក់​កង់​ម្ខាង​ចេញ​ពីលើ​ផ្លូវ​បេតុង​ ដោយសា​រថយន្ត​ដឹក​ធ្ងន់​ផង​ បណ្តាល​ឲ្យ​ក្រឡាប់​ដេក​ផ្អៀង​ក្បែរ​ចិញ្ចើម​ផ្លូវ​នោះ​តែ​ម្តង​ ចាក់​បាវ​ធ្យូង​ចោល​សង្កត់​លើ​មនុស្ស​ ធ្វើ​ឲ្យ​កម្មករ​២​នាក់​ ដែល​អង្គុយ​នៅ​លើ​បាវ​ធ្យូង​ ក្នុង​នោះ​មា្ន​ក់បាក់​ភ្លៅ​មា្ខ​ង​ខាងស្តាំ​ និង​ម្នាក់​ទៀត​បាក់​ភ្លៅ​ខាងឆ្វេង​រង​របួសធ្ងន់​ដូច​គា្ន​ ចំណែក​អ្នក​អង្គុយ​ក្នុង​កាប៊ី​នខា​ង​មុខ​មិន​មាន​រង​របួស​ទេ​ ។​

​គ្រោះ​ថា្ន​ក់​នេះ​កើតឡើង​ភ្លាម​ ទាំង​បុរស​តៃកុង​ និង​ទាំង​កម្មករ​រង​របួស​ បាន​ព្យាយាម​លាក់បាំង​ព័ត៌មាន​ មិន​ប្រាប់​ឈ្មោះ​ និង​និយាយ​អ្វី​ទាំងអស់​ រង់ចាំ​រថយន្ត​សង្គ្រោះ​ដឹក​យក​ទៅ​ព្យាបាល​នៅ​គ្លីនិក​ឯកជន​ ។​ ចំណែក​រថយន្ត​ដែល​ក្រឡាប់​ ត្រូវ​បាន​សមត្ថកិច្ច​ស្ទួ​ច​យក​ទៅ​រក្សា​ទុក​នៅ​ អធិការដ្ឋាន​ខណ្ឌមានជ័យ​ រង់ចាំ​ការ​ដោះស្រាយ​តាម​ផ្លូវច្បាប់​ ៕​

pphn

Loading...

Leave a Reply

Your email address will not be published. Required fields are marked *