FILE - In this April 15, 2021, file photo, President Joe Biden speaks in the East Room of the White House in Washington. No nation offers asylum or other protections to people displaced because of climate change. Biden’s administration is studying the idea, and climate migration is expected to be discussed at his first climate summit. (AP Photo/Andrew Harnik, File)

លោក Biden នឹង​អនុញ្ញាត​ឲ្យ​ជនអន្តោប្រវេសន៍ ៦២.៥០០ នាក់​ចូល​អាមេរិក​វិញ​បន្ទាប់ពី​មានការ​រិះគន់​

​អាមេរិក ៖ ប្រធានាធិបតី​អាមេរិក​លោក Joe Biden បានប្រកាស​កាលពី​ថ្ងៃ​ច័ន្ទ​ថា​លោក​កំពុង​បង្កើន​ចំនួន​ជនអន្តោប្រវេសន៍​ដែល​ត្រូវបាន​អនុញ្ញាតឱ្យ​ចូលក្នុង​សហរដ្ឋអាមេរិក​នៅ​ឆ្នាំនេះ​ដល់​ចំនួន ៦២.៥០០ នាក់ ពោលគឺ​កើនឡើង​ពី​ចំនួន ១៥.០០០​នាក់​ដែល​ត្រូវបាន​កំណត់ដោយ​អតីត ប្រធានាធិបតី​លោក Donald Trump បន្ទាប់ពី​មានការ​រិះគន់​ខ្លាំងៗ​ជុំវិញ​គោលនយោបាយ​អន្តោប្រវេសន៍​។​នេះ​បើ​យោងតាម​ប្រភពពី​សារព័ត៌មាន CNA​។​

​ការផ្លាស់ប្តូរ​នេះ​បាន​កើតឡើង​បន្ទាប់ពី​មានការ​រិះគន់​ពី សម្ព័ន្ធមិត្ត​ថា​លោក Biden នៅតែ​បន្ត​រក្សា​គោលនយោបាយ​អន្តោប្រវេសន៍​មួយចំនួន​ដែល​សល់​ពី អតីត​រដ្ឋបាល​លោក Trump ដែលជា​ពេលវេលា​នៃ​ភាពច្របូកច្របល់​ផ្នែក​នយោបាយ​ដែល​លេចចេញ​នៅក្នុង​សេត​វិមាន​ក្នុង​រយៈពេល​បី​ខែ​ដំបូង​របស់លោក Trump ។​

​នៅក្នុង​សេចក្តីថ្លែងការណ៍​មួយ​លោក Biden បាន​និយាយថា​“ នេះ​ជាការ​លុបចោល​ជា​ប្រវត្តិសាស្ត្រ នៃ​ការទទួលយក​ជនអន្តោប្រវេសន៍​ក្នុង ចំនួន​ដ៏​ទាប​ដែល​បន្សល់ទុក​ដោយ​រដ្ឋ​បាល​មុន​ត្រឹម ១៥,០០០​នាក់ ដែល​មិនបាន​ឆ្លុះបញ្ចាំង​ពី​តម្លៃ​របស់​សហរដ្ឋអាមេរិក​ក្នុងនាម​ជា​ប្រជាជាតិ​មួយ​ដែល ស្វាគមន៍ និង​គាំទ្រ​ជនអន្តោប្រវេសន៍​ឡើយ​” ។​

​មន្ត្រី​ទទួលយក​ជនភៀសខ្លួន​ថ្មី​ក៏​នឹង​ពង្រឹង​កិច្ចខិតខំ​ប្រឹងប្រែង​ដែល​កំពុងដំណើរការ​ដើ​ម្បី​ពង្រីក​សមត្ថភាព​របស់​សហរដ្ឋអាមេរិក​ក្នុងការ​ទទួលយក​ជន​អន្តោប្រវេសន៍ ដូច្នេះ​យើង​អាច​ឈានដល់​គោលដៅ​នៃ​ការទទួល​ជនអន្តោប្រវេសន៍​ចំនួន ១២៥.០០០​នាក់​ដែល​កំណត់​សម្រាប់​ឆ្នាំ​ខាងមុខនេះ​។​

​គួរ​បញ្ជាក់ថា តាមរយៈ​ការសម្រេចចិត្ត​ខាងលើ សេត​វិមាន​រំពឹងថា​អាច​នឹង​បន្សាប​ការរិះគន់​នៅក្នុង​ចំណោម​សមាជិកសភា​មកពី​គណបក្ស​ប្រជាធិបតេយ្យ ហើយ​អាច​រក្សា​ឯកភាព​ក្នុង​បក្ស​សំដៅ​ជំរុញឱ្យមាន​ការអនុម័ត​លើ​សំណើរ​កញ្ចប់​ថវិកា​សង្គម និង​ហេដ្ឋារចនាសម្ព័ន្ធ​មាន​ទំហំ​រាប់​ទ្រី​លាន​ដុល្លារ របស់លោក Joe Biden ដែល​អះអាងថា​មាន​ភាពចាំបាច់​ដើម្បី​ប្រជែង​ជាមួយ​ចិន​៕

Loading...