សិប្បកម្ម​កែ​ច្នៃ​ឈើ​ដ៏​ធំ​ជនជាតិ​វៀតណាម​មួយ​កន្លែង​ទល់មុខ​វត្ត​ស្លា​កែ​ត​ក្រុង​បាត់ដំបង​ប្រើ​ម៉ាស៊ីន​ រណា​រ៉ៃ​ច្រៀក​ឈើ​គេ​សង្ស័យ​ធ្វើ​អាជីវកម្ម​ខុសច្បាប់​

​ខេត្តបាត់ដំបង​៖​ សិប្បកម្ម​កែ​ច្នៃ​ឈើ​ដ៏​ធំ​មួយ​ដែល​គេ​ស្គាល់​ថា​របស់​ជនជាតិ​វៀតណាម​មួយ​កន្លែង​ដែល​ស្ថិត​នៅ​ចំណុច​ទល់មុខ​វត្ត​ស្លា​កែ​ត​ស្ថិត​ក្នុងភូមិ​ជ្រៃ​បាក់​ សង្កាត់​ស្លា​កែ​ត​ ក្រុង​បាត់ដំបង​ បាន​បើក​ធ្វើ​អាជីវកម្ម​កែ​ច្នៃ​ឈើ​យ៉ាង​គគ្រឹក​គ្រេង​គេ​សង្ស័យ​អាជីវកម្ម​នោះ​ធ្វើ​ឡើង​ខុសច្បាប់​។​

​សកម្មភាព​នៃ​ការ​កែ​ច្នៃ​ឈើ​ធ្វើ​ជា​គ្រឿង​សង្ហា​រឹម​របស់​រោង​សិប្បកម្ម​របស់​ជនជាតិ​វៀតណាម​នៅ​ចំណុច​ខាងលើ​គេ​មើលឃើញ​ថា​បាន​ប្រើ​ ប្រាស់​ម៉ាស៊ីន​ រណា​រ៉ៃ​ច្រៀក​ឈើ​លាន់​ ឮ​សម្លេង​ យ៉ាង​ទ្រហឹងអឺងកង​ដែល​បង្ក​ឱ្យ​ប៉ះពាល់​និង​ រំខាន​ដល់​ការ​រស់នៅ​របស់​ ប្រជាពលរដ្ឋ​ជា​ ច្រើន​ គ្រួសារ​នៅ​ក្បែរ​នោះ​ផង​ដែរ​។​

​សកម្មភាព​នៃ​ ការ​ធ្វើ​អាជីវកម្ម​កែ​ច្នៃ​ឈើ​នោះ​ដែរ​ បើ​តាម​ប្រភព​ ព័ត៌មាន​របស់​ប្រជាពលរដ្ឋ​ប្រាប់​ឱ្យ​ដឹង​ថា​គេ​បាន​ធ្វើ​ឡើងជា​យូរ​ឆ្នាំ​ មក​ហើយ​ក្នុង​នោះ​ គេ​មិន​ ដែល​ឃើញ​មាន​សមត្ថកិច្ច​និង​មន្ត្រី​ជំនាញ​ព្រៃ​ ឈើ​ចុះ​មក​បង្ក្រាប​នោះ​ឡើយ​ ពោល​គេ​ឃើញ​ មាន​សមត្ថកិច្ច​បាន​ចេញចូល​នៅ​ទី​ នោះ​ដែរ​ជា​ ញឹកញាប់​រៀង​រាល់​ចុងខែ​ ដែល​គេ​សង្ស័យ​ ថា​សមត្ថកិច្ច​ទាំងនោះ​ នាំ​គ្នា​ទៅ​ដាក់​ខែ​ យក​ប្រាក់​ ពី​ម្ចាស់​សិប្បកម្ម​។​

​ម្ចាស់​សិប្បកម្ម​ ត្រូវ​បាន​គេ​ស្គាល់ឈ្មោះ​ វាំង​ ជនជាតិ​វៀតណាម​ និង​មាន​កូនចៅ​ជា​ជាងឈើ​មាន​ចំនួន​ ៤​ទៅ​៥​នាក់​ទៀត​កំពុងធ្វើការ​ងារ​នោះ​ទីនោះ​ផង​ដែរ​។​ឈើ​ដែល​គេ​យក​មក​កែ​ច្នៃ​នៅ​រោង​សិប្បកម្ម​ជនជាតិ​វៀតណាម​ខាងលើ​ សុទ្ធតែ​ប្រភេទ​ឈើ​ ប្រណិត​រួម​មាន​ឈើ​ធ្នង់​ បេង​ រាប់​សិប​ ម៉ែត្រគូប​ ដែល​គេ​សង្ស័យ​ជា​ឈើ​ដឹក​យក​មក​កែ​ច្នៃ​ខុសច្បាប់​ផង​នោះ​ទៀត​។​
​ពាក់ព័ន្ធ​និង​អាជីវកម្ម​កែ​ច្នៃ​ឈើ​នេះ​ដែរ​ អ្នក​យក​ព័ត៌មាន​យើង​បាន​ទំនាក់ទំនង​ម្ចាស់​ សិប្បកម្ម​ឈ្មោះ​ វាំង​ តាម​ទូរស័ព្ទ​នៅ​រសៀល​ថ្ងៃ​ទី​១៨​ ខែមីនា​ នេះ​ដើម្បី​ជួយ​បំភ្លឺ​ជុំវិញ​អា​ជី​ វ​កម្ម​កែ​ច្នៃ​ឈើ​ដោយ​ ទូរស័ព្ទ​ហៅ​ចូល​២​ដង​គ្មាន​អ្នកឆ្លើយ​តប​។​

​ជុំវិញ​បញ្ហា​នេះ​លោកនាយ​ខណ្ឌ​រដ្ឋបាល​ព្រៃឈើ​ខេត្តបាត់ដំបង​ បាន​ឆ្លើយ​ប្រាប់​ ឱ្យ​ដឹង​ ថា​ការងារ​នោះ​លោក​ពុំ​បានដឹង​នោះ​ទេ​ ទំនាក់ទំនង​ទៅ​លោក​ សេង​ ថេ​ង​ នាយ​សង្កាត់​រដ្ឋ​ បាល​ក្រុង​បាត់ដំបង​ទើប​ដឹង​ លុះ​អ្នក​យក​ព័ត៌មាន​យើង​ទំនាក់ទំនង​ទៅ​ លោក​ សេង​ ថេ​ង​ ឱ្យ​ ជួយ​បំភ្លឺ​ពី​ករណី​នេះ​លោក​បាន​ឆ្លើយ​បាន​បំភ្លឺ​ថា​សិប្បកម្ម​ខាងលើ​លោក​មិន​បានដឹង​នោះ​ទេពី​ព្រោះ​នៅ​ភូមិ​ជ្រៃ​បាក់​ សង្កាត់​ស្លា​កែ​ត​ ផ្ទៃដី​ធំ​ លោក​មិនដឹង​សិប្បកម្ម​នោះ​ នៅ​កន្លែង​ ណា​នោះ​ទេ​។​

​ពាក់ព័ន្ធ​និង​ការ​គ្រប់គ្រង​មិន​បាន​ត្រឹមត្រូវ​របស់​អាជ្ញាធរ​ដែនដី​និង​សមត្ថកិច្ច​រួម​និង​មន្ត្រី​ជំនាញ​បណ្តែតបណ្តោយ​ឱ្យ​មានការ​បើក​សិប្បកម្ម​កែ​ច្នៃ​ឈើ​នៅ​ចំណុច​ទីប្រជុំជន​មិន​ត្រឹមតែ​ បង្ក​សម្លេង​រំខាន​ពី​គ្រឿង​ម៉ាស៊ីន​ច្នៃ​ឈើ​ប៉ះពាល់​និង​រំខាន​ដល់​ប្រជាពលរដ្ឋ​ប៉ុណ្ណោះ​ទេ​ វា​ថែម​ទាំង​ធ្វើ​ឱ្យ​បាត់បង់​ព្រៃឈើ​រួម​និង​បាត់បង់​ចំណូល​រដ្ឋ​ទទួលផល​ពី​ការ​ធ្វើ​អាជីវកម្ម​ ផល​ព្រៃឈើ​នេះ​ផង​ដែរ​៕​វិច្ឆិកា​

1zsd (1)
1zsd (4)
1zsd (2)
1zsd (3)

Loading...

Leave a Reply

Your email address will not be published. Required fields are marked *