សូមប្រកាស! សង្វៀនជល់មាន់ អាប៉ោង យូគី នៅក្នុងទឹកដីក្រុងបានលុង បើកដំណើរការវិញហើយ

ខេត្តរតនគិរី៖ សង្វៀនជល់មាន់ អាប៉ោង យូគី ដែលស្ថិតនៅក្នុងទឹកដីនៃអាណាចក្ររបស់លោក ថង សាវុន អភិបាលខេត្តរតនគិរី កំពុងតែធ្វើព្យុះភ្លៀង ដោយមិនញញឺតអាជ្ញាធរ។

ប្រភពបានឱ្យដឹងថាទីតាំង អាប៉ោង យូគី នឹង ជល់មាន់ ដ៏ធំដែលស្ថិតនៅ ភូមិភ្នំធំ ឃុំ យក្សឡោម ក្រុងបានលុង ខេត្តរតនគិរី នៅចំណុចភ្នំយោល នឹង នៅផ្ទះឈ្មោះ ទេប វណ្ណា ហៅអូនធំ ស្ថិតនៅភូមិ បឹងកន្សែង ឃុំ ឡាបានសៀក ក្រុងបានលុង ខេត្ត រតនគិរី គឺបើកដំណើរការលេងវិញហើយ។

លោក ថង សាវុន អភិបាលខេត្តរតនគិរី ហាក់គ្មានអំណាចចំពោះម្ចាស់ទីតាំងល្បែងសុីសងខុសច្បាប់ខាងលើនេះទាល់តែសោះ ដែលបណ្តោយឱ្យកើតមានល្បែងសុីសងយ៉ាងអាណាធិបតេយ្យបែបនេះ។ មហាជនបានរិះគន់ចំៗចំពោះអាជ្ញាធរខេត្តរតនគីរី ដែលគ្មានចំណាត់ការ ឬមួយក៍អាជ្ញាធរត្រូវរ៉ូវគ្នា។

ប្រភពពីពលរដ្ឋបានស្នើសំតាមរយៈអ្នកសារព័ត៌មានឱ្យជួយផ្សព្វផ្សាយពីភាពអសកម្មរបស់លោក យិន សំណាង ស្នងការខេត្តរតនគិរី និង លោក ថង សាវុន អភិបាលខេត្តរតនគិរី ឱ្យបានដល់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាជួយលុបបំបាត់ល្បែងសុីសងខុសច្បាប់ខាងលើ ដើម្បីរក្សាឱ្យបាននូវសុខសុវត្ថិភាពរបស់ពលរដ្ឋ។

លោក ថង សាវុន អភិបាលខេត្តរតនគិរី តាមរយះ Telegram លោកមិនបានឆ្លើយតបជាមួយអ្នកសារព័ត៌មាននោះឡើយ ៕

Loading...