ស្ត្រីម្នាក់ដើរចេញពីវត្ត មកបើកទ្វារឲ្យជនបរទេស ជិះម៉ូតូចូល​ ស្រាប់តែទ្វាររដួលរលំសង្កត់ស្លាប់ពេលបញ្ជូនទៅកាន់មន្ទីរពេទ្យ

ភ្នំពេញ​ ៖​ បង្កការភ្ញាក់ផ្អើលកាលពី យប់ថ្ងៃទី១៩ ខែមីនា​ឆ្នាំ២០២១ គួរឲ្យអាណោចអាធ័មណាស់​ ខណៈស្ត្រីជនជាតិខ្មែរម្នាក់បានដើរចេញពីវត្តមកបើកទ្វារឲ្យបុរសជនជាតិបរទេសម្នាក់ជិះម៉ូតូចូល​ ស្រាប់តែទ្វាររដួលរលំសង្កត់ពីលើពេញទំហឹងបណ្ដាលឲ្យរបួសយ៉ាងធ្ងន់ធ្ងរ ហើយស្លាប់ពេលបញ្ជូន ទៅដល់មន្ទីរពេទ្យ នៅចំណុចក្លោងទ្វារវត្តទឹកថ្លា ជាប់ផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ​ រាជធានីភ្នំពេញ។

សពស្ត្រីរងគ្រោះនេះ មិនទាន់ស្គាល់អត្តសញ្ញាណនោះទេ​ ដោយស្នាក់នៅក្នុងវត្តទឹកថ្លា មុខរបរជាបុគ្គលិកវេចខ្ចប់សាកសព។

មុនកើតហេតុឃើញបុរសជនជាតិបរទេសម្នាក់ជិះម៉ូតូមួយគ្រឿងម៉ាកហុងដាឃ្លិក​ ពណ៌ស​ ពាក់ស្លាកលេខភ្នំពេញ1IP-2901មកឈប់នៅមុខក្លោងទ្វារវត្តទឹកថ្លានៅចំនុចទីតាំងកើតហេតុ

ខាងលើ ស្រាប់តែមួយសន្ទុះក្រោយមកក៏ឃើញស្ត្រីជាជនរងគ្រោះ បានដើរចេញពីក្នុងវត្តមកបើកទ្វារដើម្បីឲ្យបុរសជនជាតិបរទេសជិះម៉ូតូចូល។​ ខណៈពេលស្ត្រីរងគ្រោះបើកទ្វាររួចហើយបុរសជនបរទេសមិនទាន់នាំគ្នាចូលក្នុងវត្តនោះទេ។ដោយអង្គុយនិយាយលេងមួយសន្ទុះ ក្រោយមកស្ត្រីជាជនរងគ្រោះនិងបុរសជនជាតិ បរទេសខាងលើមិនដឹងនិយាយគ្នាពីអ្វីនោះទេដោយស្ត្រីជនរងគ្រោះបានដើរចូលទៅក្នុងវិញ

រួចក៏ទាញទ្វារបិទ ស្រាប់តែដួលរលំសង្កត់ពីលើជនរងគ្រោះទាំងកំរោលបណ្ដាល ឲ្យបែកក្បាលរងរបួសយ៉ាងធ្ងន់ធ្ងរ បន្ទាប់មកក៏មានការភ្ញាក់ផ្អើលរបស់បងប្អូន ប្រជាពលរដ្ឋនៅក្បែរកន្លែងកើតហេតុខាងលើ នាំគ្នាចូលទៅជួយលើកទ្វារចេញ ដើម្បីយកជនរងគ្រោះនិងបញ្ជូនតាមរថយន្តទៅសង្គ្រោះបន្ទាន់ទៅសង្គ្រោះនៅឯមន្ទីរពេទ្យភ្លាមៗ​ តែអកុសលជនរងគ្រោះរបួសធ្ងន់ធ្ងរពេកបានដាច់ខ្យល់ស្លាប់នៅឯមន្ទីរពេទ្យ​ ហើយក៏ត្រូវរថយន្តសង្គ្រោះបន្ទាន់ដឹកសពយកមកដាក់នៅកន្លែងកើតហេតុវិញ៕

Loading...