ស្ត្រី​ម្នាក់​រៀបការ​ជាមួយ​ខ្លួនឯង ​ក្នុង​ពិធី​រៀបការ​ដ៏​រំជើបរំជួល​មួយ​ ក្រោយពី​ពុំបាន​ជួប​គូ​នៅមុន​អាយុ ៤០

​ស្ត្រី​ម្នាក់​បាន​រៀបការ​ជាមួយ​ខ្លួន​នាង​ក្រោយ​ខកខាន​មិនបាន​រក​ឃើញ​បុរស​ក្នុង​ក្តី​សុបិន​របស់​នាង​មុនពេល​ឈានដល់​វ័យ ៤០​។ នេះ​បើតាម​វេ​ប​សាយ​ដេលី​មែ​ល​កាលពី​ថ្ងៃទី ២៧ ខែមករា​។ ​នាង Yasmin Eleby មកពី​ទីក្រុង Houston រដ្ឋ​តិច​សាស់ បាន​រៀបការ​ក្នុង​ឈុត​កូនក្រមុំ​ពណ៌​ស្វាយ​កាលពី​ដើមខែ​នេះ ដោយ​អម​ជុំជិត​ដោយ​មិត្ត​ជិតស្និទ្ធ​បំផុត និង​ក្រុមគ្រួសារ​របស់​នាង​។

​ខណៈដែល​បុគ្គល​ម្នាក់​មិនអាច​រៀបការ​ស្របច្បាប់​ជាមួយនឹង​ខ្លួនឯង​ផ្ទាល់​ក្នុង​សហរដ្ឋអាមេរិក​នោះ ពិធី​រៀបការ​នេះ​គឺ មាន​លក្ខណៈ​សាសនា​ជាជាង​តាមផ្លូវ​ច្បាប់ ដែល​រៀបចំឡើង​ដោយ​អាចារ្យ​គ្រឹ​ស្ត​សាសនា​បីនាក់ ដែល​ម្នាក់​ក្នុងចំណោម​នោះ​គឺជា​ប្អូនស្រី​របស់​នាង Eleby តែម្តង​។​​យោងតាម​វេ​ប​សាយ Black Art in America ពិធី​រៀបការ​របស់​កូនក្រមុំ​រូបនេះ​មាន​អ្នក​កំដរ​ស្រី ១០ នាក់ ព្រមទាំង​ម្តាយ​របស់​កូនក្រមុំ​ផងដែរ ដែល​បណ្តើរ​នាង​ឆ្លងកាត់​កន្លែង​ធ្វើ​ពិធី​រៀបការ​។

​ក្នុង​សារ​បង្ហោះ​តាម​ហ្វេ​ស​ប៊ុ​ក​ដ៏​រំជើបរំជួល​មួយ នាង Eleby បាន​និយាយថា នាង “​មិន​នឹកស្មានថា​ពិធី​រៀបការ​នេះ​ធ្វើ​ឲ្យ​នាង​រំភើបចិត្ត និង​មាន​អត្ថន័យ​បែបនេះ​ទេ​”​។ នាង​បាន​បន្ថែមថា “​ខ្ញុំ​មាន​អារម្មណ៍​ទទួលបាន​នូវ​ការស្រឡាញ់ និង​ការគាំ ទ្រ​យ៉ាងច្រើន​សន្ធឹក ដែល​គ្រប់គ្នា​បង្ហាញ​ចំពោះ​ខ្ញុំ​អំឡុង​ការអបអរ​សេចក្តីស្នេហា និង​ជីវិត​របស់ខ្ញុំ​នេះ​”​។

​ជាការ​តបស្នង​មកវិញ មិត្តភក្តិ​របស់​នាង​គ្មានអ្វី​ក្រៅតែពី​គាំទ្រ​រូបនាង​នោះទេ​។ មិត្ត​ក្នុង​ហ្វេ​ស​ប៊ុ​កម្នា​ក់បាន​ឆ្លើយតប​ថា “​សូម​អបអរសាទរ​ចំពោះ​ការដែល​ស្រឡាញ់​ខ្លួនឯង​ក្រោយពី​ការរង់ចាំ​ឆ្អែតឆ្អន់​ហើយ​នោះ​។ ពួកយើង​មួយចំនួន​បាន​រង់ចាំ​រហូតដល់​អាយុ ៤០ ទម្រាំ​ដឹងថា​យើង​មិន​ត្រូវការ​បុរស​ដើម្បី​មានជីវិត​ប្រកបដោយ​ភាព​បរិបូរណ៍ នេះ​មិន​គិតពី​អ្វី​ដែល មាន​ក្នុង​ចិត្ត​របស់​យើង​នោះទេ​”៕

wedding (3)

wedding (1)

wedding (2)

Loading...

Leave a Reply

Your email address will not be published. Required fields are marked *