ស្នងការដ្ឋាននគរបាលរាជធានីភ្នំពេញត្រូវបានពាណិជ្ជករបន្តជួយឧបត្ថម្ភ៤ម៉ឺនម៉ាស់ និងទឹកអាកុល១០ប៊ីដុង

ភ្នំពេញ៖ ស្នងការដ្ឋាននគរបាលរាជធានីភ្នំពេញ​ ត្រូវបានពាណិជ្ជករនៅក្នុងរាជធានីភ្នំពេញបន្តជួយឧបត្ថម្ភម៉ាស់សរុប៤ម៉ឺនម៉ាស់​ និងទឹកអាកុលលាងដៃចំនួន១០ប៊ីដុងស្មេីនឹង៣០០លីត្របន្ថែមទៀតសម្រាប់កងកម្លាំងនគរបាលរាជធានីភ្នំពេញប្រេីប្រាស់ចូលរួមប្រយុទ្ធប្រឆាំងនិងជំងឺឆ្លងកូវីដ១៩​។

ពិធីប្រគល់និងទទួលម៉ាស់បានធ្វេីឡេីងនៅស្នងការដ្ឋាននគរបាលរាជធានីភ្នំពេញ​ នៅព្រឹកថ្ងៃទី១៦​ ខែធ្នូ​ ឆ្នាំ២០២០​ ។

ឯកឧត្តម​ ឧត្តមសឹនីយ៍ឯក​ ស​ ថេត​ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ​ ក៏បានមានប្រសាសន៍ថ្លែងអំណរគុណយ៉ាងជ្រាលជ្រៅបំផុតដល់ពាណិជ្ជករ​ លោក​ ឡី​ ដែលបានឧបត្ថម្ភម៉ាស់និងទឹកអាកុលទាំងនេះជូនស្នងការដ្ឋាននគរបាលរាជធានីភ្នំពេញ។

នេះជាកាយវិកាដ៏សប្បុរស​ ក្នុងការលេីកទឹកចិត្តជូនដល់កម្លាំងនគរបាលរាជធានីភ្នំពេញ​ ដែលតែងបំពេញភារកិច្ចយ៉ាងសកម្មក្នុងការចូលរួមសហការជាមួយក្រសួងសុខាភិបាលកម្ពុជា​ ប្រយុទ្ធប្រឆាំងនិងជំងឺឆ្លងកូវីដ-១៩៕

Loading...