អភិបាល​ខេត្តបន្ទាយមានជ័យ​ជម្រុញ​ឱ្យ​សមត្ថកិច្ច​បង្ក្រាប​បន​ល្បែងស៊ីសង​ខុសច្បាប់​រួម​និង​ បន​ល្បែង​ច្រក​ក្រោម​ស្លាក​កាស៊ីណូ​នៅ​ក្រុង​ប៉ោយ​ប៉ែ​ត​

​ខេត្តបន្ទាយមានជ័យ​៖ ​ ​ឯក​ឧត្ត​គោ​ស៊ុំ​ សា​រឿ​ត​ អភិបាល​ខេត្តបន្ទាយមានជ័យ​បាន​ដាក់​ចេញ​នូវ​បទបញ្ជា​ឱ្យ​ សមត្ថកិច្ច​ខេត្តបន្ទាយមានជ័យ​ត្រូវ​តែ​ត្រួតពិនិត្យ​និង​មាន​វិធានការ​ទៅ​លើ​ការ​បង្ក្រាប​និង​ទប់ស្កាត់​ល្បែង​ស៊ី​ សង​ខុសច្បាប់​គ្រប់​ប្រភេទ​ដែល​កើត​មាននៅ​ក្នុង​ទឹកដី​ខេត្តបន្ទាយមានជ័យ​ ដែល​ ល្បែងស៊ីសង​ខុសច្បាប់​ជា​ការ​អនុវត្ត​ផ្ទុយ​និង​គោលនយោបាយ​ភូមិ​ ឃុំ​មាន​សុវត្ថិភាព​ ការ​ផ្តើម​ចេញ​របស់​អ្នកលេង​ល្បែងស៊ីសង​ចាញ់​គឺ​គេ​អាច​ទៅ​ប្រព្រឹត្ត​បទល្មើស​ខុសច្បាប់​ជា​ ហេតុ​បង​ភាព​ហ្វឹក​ហ្វ​ក្នុង​សង្គម​។

​ឯកឧត្តម​អភិបាល​ខេត្តបន្ទាយមានជ័យ​បាន​លើក​ឡើងជា​ពិ​ សេស​ល្បែងស៊ីសង​រីក​ដុះដាល​នៅ​ក្រុង​ប៉ោយ​ប៉ែ​ត​ រួម​មាន​ល្បែង​តាម​online​ និង​បន​ល្បែង​១​ កន្លែង​ដែល​ជួល​ផ្ទះ​គេ​ហើយ​បើក​ក្រោម​ស្លាក​សញ្ញា​កាស៊ីណូ​ជាដើម​នោះ​។​ការ​ថ្លែង​របស់​ ឯក​ឧត្ត​គោ​ស៊ុំ​ សា​រឿ​ត​ អភិបាល​ខេត្តបន្ទាយមានជ័យ​បាន​លើក​ឡើង​ក្នុង​ឱកាស​ពិធី​បូក​ សរុប​លទ្ធផល​ការងារ​ប្រចាំឆ្នាំ​២០១៤​និង​លើក​ទី​ស​ដៅ​ការងារ​ឆ្នាំ​២០១៥​របស់​ស្នងការដ្ឋាន​នគរបាល​ខេត្តបន្ទាយមានជ័យ​ កាលពី​រសៀល​ថ្ងៃ​ទី​១០​ ខែមីនា​ ឆ្នាំ​២០១៥
​សូម​បញ្ជាក់​ថា​៖​បន​ល្បែង​១​កន្លែង​នៅ​ចំណុច​អតីត​ស្រះ​ទឹក​ចាស់​ស្ថិត​នៅ​ភូមិ​ក្បាល​ ស្ពាន​១​សង្កាត់​ប៉ោយ​ប៉ែ​ត​នៅ​ក្រុង​ប៉ោយ​ប៉ែ​ត​ដែល​គេ​សង្ស័យ​ថា​ជា​បន​ល្បែង​បើក​ខុសច្បាប់​ប្រើប្រាស់​ក្រោម​ស្លាក​កាស៊ីណូ​ហ្គោ​ល​ឌិន​ក្រោ​ន​ត្រូវ​គេ​រាយការណ៍​មក​ថា​បាន​បើក​ឱ្យ​មាន​អ្នក​ចូល​លេងល្បែង​យ៉ាង​គ​គ្រឹ​គគ្រេង​ជា​រៀងរាល់ថ្ងៃ​។​ក្នុង​នោះ​គេ​ឃើញ​មាន​ប្រជាពលរដ្ឋ​ខ្មែរ​ ជា​ច្រើន​នាក់​ក្នុង​មួយ​ថ្ងៃៗ​បាន​នាំ​គ្នា​សម្រុក​ទៅ​ចូល​លេងល្បែង​នៅ​ទីនោះ​ផង​ដែរ​។

​ល្បែង​មាន​ច្រើន​ប្រភេទ​រួម​មាន់​ជល់​មាន់​អាប៉ោង​បៀរ​និង​ល្បែង​យូគី​ស្ទូច​ជាដើម​។​បើ​តាម​សេចក្តីរាយការណ៍​ដដែល​ឱ្យ​ដឹង​ទៀត​ថា​កន្លង​មក​មាន​ពលរដ្ឋ​ខ្មែរ​ខ្លះ​ចូល​លេងល្បែង​ចាញ់​នៅ​ទីនោះ​លង់ខ្លួន​មិន​ហ៊ាន​ចូល​ផ្ទះ​អ្នកខ្លះ​ចេញ​មក​ចងក​សម្លាប់​ខ្លួន​ និង​អ្នកខ្លះ​ទៀត​ប្រើប្រាស់​អំពើ​ ហិង្សា​ក្នុង​ គ្រួសារ​ និង​អ្នកមួយ​ចំនួន​ទៀត​ លេង​ ចាញ់​ លក់​ដី​ លក់​ផ្ទះ​ សងបំណុល​គេ​ហើយ​អ្នកខ្លះ​ ទៀត​ចេញ​មក​បង្ក​ជា​អំពើ​លួច​ឆក់​ជាដើម​ ។​ក្រុង​ប៉ោយ​ប៉ែ​ត​សេចក្តីរាយការណ៍​មក​ថា​កន្លង​ មក​មាន​ប្រជាពលរដ្ឋ​រស់នៅ​ក្រុង​ប៉ោយ​ប៉ែ​ត​មានការ​ត្អូញត្អែ​បាន​រង​គ្រោះ​ពី​អំពើ​ចោរកម្ម​គាស់​ផ្ទះ​លួច​យក​ទ្រព្យសម្បត្តិ​ជា​ច្រើន​ករណី​នោះ​ផង​ដែរ​។​ម្ចាស់​បើក​បន​ល្បែង​នៅ​ចំណុច​អ​តី​ស្រះ​ទឹក​ ចាស់​ត្រូវ​បាន​គេ​ប្រាប់​ឱ្យ​ដឹង​មានឈ្មោះ​ ហាក់​ អេ​ង​ ។​

​បើ​តាម​សេចក្តីរាយការណ៍​ពី​ក្រុង​ប៉ោយ​ប៉ែ​ត​ឱ្យ​ដឹង​ទៀត​ថា​៖​បន​ល្បែងស៊ីសង​ នៅ​ក្រុង​ ប៉ោយ​ប៉ែ​ត​គេ​ឃើញ​កើត​មាន​មួយ​កន្លែង​ទៀត​នៅ​ចំណុច​ទល់មុខ​សាលា​ សង្កាត់​ ប៉ោយ​ប៉ែ​ត​ ច្រក​ក្រោម​ស្លាក​ហាង​លក់​គុយទាវ​និង​កាហ្វេ​ថៃ​អ៊ូ​ដែល​គេ​សង្ស័យ​បាន​បើក​លេងល្បែង​ខុសច្បាប់​ផង​នោះ​ដែរ​។​

​ជុំវិញ​នៃ​បន​ល្បែង​ខាងលើ​អ្វី​ដែល​ជា​ចំណាត់ការ​របស់​ឯកឧត្តម​អភិបាលខេត្ត​ដាក់​ចេញ​ឱ្យ​ត្រួតពិនិត្យ​និង​បង្ក្រាប​ល្បែងស៊ីសង​ខុសច្បាប់​គេ​រង់ចាំ​មើល​ថា​អាជ្ញាធរ​ក្រុង​ប៉ោយ​ប៉ែ​ត​ និង​មាន​វិធានការ​ឱ្យ​មាន​ប្រសិទ្ធភាព​បែប​ណា​នោះ​៕

lok (1)
lok (2)
lok (3)
lok (4)
lok (5)

Loading...

Leave a Reply

Your email address will not be published. Required fields are marked *