អាមេរិកជួបជាមួយរុស្ស៊ីដោយបិទទ្វារជិតនៅឯទីក្រុង Helsinki ប្រទេសហ្វាំងឡង់

នៅយប់ថ្ងៃទី១៦ ខែកក្កដា ឆ្នាំ២០១៨ (ម៉ោងនៅកម្ពុជា) ប្រធានាធិបតីអាមេរិក បានជួបប្រជុំមួយជាមួយប្រធានាធិបរុស្ស៊ី លោកវ្ល៉ាឌីមៀរ ពូទីន ដោយបន្ទប់នៃកិច្ចប្រជុំបានបិទទ្វារជិត ស្ថិតនៅក្នុងទីក្រុង Helsinki ប្រទេសហ្វាំងឡង់ ។

នេះជាកិច្ចប្រជុំមួយទល់នឹងមួយរវាងមេដឹកនាំអាមេរិក នឹងរុស្ស៊ី ហើយលទ្ធផលបែបណានោះ ត្រូវគេរំពឹងថា នឹងមានសន្និសីទរួមមួយរវាងបុរសរដ្ឋទាំងទ្វេ ។

កិច្ចប្រជុំនេះបានកើតឡើងក្រោយប៉ុន្មានថ្ងៃប៉ុណ្ណោះ បន្ទាប់ពីរុស្ស៊ី១២នាក់ត្រូវអាមេរិកចោទប្រកាន់ពីបទចារកម្ម ។ លោកដូណាល់ ត្រាំ ក៏ជំរុញឲ្យលោកពូទីន រួមសន្និសីទកាសែតពាក់ព័ន្ធការជ្រៀតជ្រែកចូលកិច្ចការបោះឆ្នោតប្រធានាធិបតីអាមេរិក នាគ្រាកន្លងមកផងដែរ ។

លោកដូណាល់ ត្រាំ បញ្ជាក់ថា គ្រប់យ៉ាង អាចត្រូវបានពិភាក្សា ក្នុងនោះមានបញ្ហាពាណិជ្ជកម្ម, យោធា និងបញ្ហាជាមួប្រទេសចិន ៕

 

Loading...