អា​ហ្ស​ង់​ទីន​រកឃើញ​ករណី​ឆ្លង​កូ​វីដ​១៩​ប្រចាំថ្ងៃ​ខ្ពស់បំផុត​មិន​ធ្លាប់មាន​

​ប្រេ​ស៊ី​ល ៖ ក្រសួងសុខាភិបាល​បាន​និយាយថា​ប្រទេស​អា​ហ្ស​ង់​ទីន​កាលពី​ថ្ងៃ​ព្រហស្បតិ៍​បាន​រាយការណ៍​ថា​មាន​ករណី​ឆ្លង​កូ​វីដ​១៩​ថ្មី​ចំនួន ២៣.៦៨៣ ករណី​ក្នុង​រយៈពេល ២៤​ម៉ោង​កន្លងមក​ដែលជា​តួលេខ​ឆ្លង​ប្រចាំថ្ងៃ​ខ្ពស់បំផុត​មិន​ធ្លាប់មាន​ចាប់តាំងពី​ការផ្ទុះ​ឡើង​នៃ​វីរុស​នេះ​។​

​ក្រសួង​បាន​និយាយថា​ករណី​ឆ្លង​សរុប​ចំនួន ២.៤៧៣.៧៥១ នាក់​នៅក្នុង​ប្រទេស​អា​ហ្ស​ង់​ទីន ។ មនុស្ស​ចំនួន​២៩០​នាក់​ទៀត​បាន​ស្លាប់​ដោយសារ​ជំងឺ​កូ​វីដ​១៩​នៅ​ទូទាំងប្រទេស​ដែល​ធ្វើឱ្យ​ចំនួន​អ្នកស្លាប់​កើនឡើង​ដល់ ៥៧ ១២២ នាក់​។​

​ខេត្ត​ដែល​រងគ្រោះ​ខ្លាំងជាងគេ​គឺ​នៅ​ខេត្ត Buenos Aires មាន​ករណី​ឆ្លង​ថ្មី​ចំនួន ១៤.៣៩០ ករណី​ត្រូវបាន​រាយការណ៍​ក្នុង​រយៈពេល​២៤ ម៉ោង​ចុង​ក្រោយនេះ​ដែលនាំអោយ​រដ្ឋា​ភិ​បាល​បង្កើន​វិធានការណ៍​គម្លាត​សង្គម​នៅ​ទីនោះ​រួមទាំង​ការ​រឹតត្បិត​ការធ្វើដំណើរ​ទៅ​ទីសាធារណៈ​បើ​គ្មាន​ការ សំខាន់​។​

​ខេត្ត​ដែលមាន​ប្រជាជន​ច្រើនជាងគេ​រហូតមកដល់​ពេលនេះ​បាន​រាយការណ៍​ថា​មាន​ករណី​ឆ្លង​សរុប​ចំនួន ១.០៤៩.៩៨០​ករណី​ដែលជា​ចំនួន​ច្រើន​បំផុត​ក្នុងចំណោម​តំបន់​ខេត្ត​នានា​។​

​សូមជម្រាបថា រហូតមកដល់​ពេលនេះ​ប្រទេស​អា​ហ្ស​ង់​ទីន​បាន​ចាក់​វ៉ាក់សាំង​កូ​វីដ​១៩​បាន​ចំនួន ៤.៨៧៩.៦៥៣ ដូ​ស​ហើយ​៕

Loading...