​បិទ​វគ្គ​ហ្វឹកហ្វឺន​ក្បាច់គុន​ និង​បច្ចេក​ក​ទេស​អាវុធ​ថ្មើរជើង​

​ខេត្តកំពង់ចាមៈ​ ព្រឹក​ថ្ងៃ​ទី​១៣​ ខែមីនា​ ឆ្នាំ​២០១៥​ នៅ​ស្នងការដ្ឋាន​នគរបាល​ខេត្តកំពង់ចាម​បាន​ប្រារព្ធ​ពិធី​បិទ​វគ្គ​ហ្វឹកហ្វឺន​ក្បាច់គុន​ និង​បច្ចេកទេស​អាវុធ​ថ្មើរជើង​ក្រោម​អធិបតីភាព​របស់​លោក​ឧត្តមសេនីយ៍ត្រី​ បែន​ រ័​ត្ន​ ស្នងការ​នគរបាល​ខេត្តកំពង់ចាម​ និង​លោក​វរសេនីយ៍ទោ​ ឡាយ​ សុភា​រិ​ទ្ធ​ តំណាង​ឧត្តមសេនីយ៍ឯក​ ជឿន​ សុវណ្ណ​ថា​ មេបញ្ជាការ​រង​កងទ័ពជើងគោក​ និង​ជា​មេបញ្ជាការ​យោធភូមិ​ភាគ​ទី​២​។​

​លោក​វរសេនីយ៍ទោ​ សាន​ សុភា​ ស្នងការ​រង​ទទួល​ដែន​គ្រប់គ្រង​ធនធានមនុស្ស​ចាន​បូក​សរុប​លទ្ធផល​ដែល​មាន​សិក្ខាកាម​ចំនួន​១០១​នាក់​ ចាប់ផ្តើម​ចូល​ហ្វឹកហ្វឺន​តាំងពី​ថ្ងៃ​ទី​១៦​ ខែមករា​ ឆ្នាំ​២០១៥​ ដល់​ថ្ងៃ​ទី​១៣​ ខែមីនា​ ឆ្នាំ​២០១៥​ ដែល​ត្រូវ​បញ្ចប់​។​
​លោក​សាន​ សុភា​ បាន​លើក​ឡើង​ថា​ វគ្គ​នេះ​កើតឡើង​បាន​ដោយ​យោង​តាម​ស្មារតី​ប្រជុំ​របស់​គណៈ​ស្នងការ​នគរបាល​ខេត្ត​កាលពី​ថ្ងៃ​ទី​៥​ ខែមករា​ ឆ្នាំ​២០១៥​ និង​ដោយ​បានការ​ឯកភាព​ឧបត្ថម្ភ​គាំទ្រ​ពី​ឯកឧត្តម​អភិបាល​នៃ​គណៈ​អ​ធិ​បាល​ខេត្តកំពង់ចាម​ ជា​ពិសេស​ឯកឧត្តម​ ឧត្តមសេនីយ៍ឯក​ ជឿន​ សុវណ្ណ​ថា​ មេបញ្ជាការ​យោធភូមិ​ភាគ​ទី​២​ បាន​ផ្តល់​គ្រូ​បង្គោល​ចំនួន​៨​រូប​ អាវុធ​ និង​គ្រាប់​ចំនួន​៣០៣​គ្រាប់​ និង​ទីលាន​បាញ់​គ្រាប់​ពិត​នៅ​មជ្ឈមណ្ឌល​ពល​ទាហាន​ទី​២​ (​ស្រែ​ស្ពៃ​)​។​

​លោកស្នងការ​ក៏​បាន​ឲ្យ​ដឹង​ពី​លទ្ធផល​នៃ​ការ​សរុប​ក្នុង​នោះ​មានៈ​

​និទ្ទេស​ក្បាច់គុន​ ដែល​សិក្ខាកាម​ទទួល​បាន​ដូច​ជាៈ​ និទ្ទេស​ល្អ​ ចំនួន​៤៦​នាក់​ ស្មើនឹង​៤៥,៥៤​ភាគរយ​,​ និទ្ទេស​បង្គួរ​ចំនួន​៤៤​នាក់​ ស្មើនឹង​៤៣,៥៦​ភាគរយ​,​ និទ្ទេស​មធ្យម​ ចំនួន​១១​នាក់​ ស្មើនឹង​១០,៨៩​ភាគរយ​ ។​ និទ្ទេស​បាញ់​ស៊ី​បៈ​ និ​ន្ទេ​ស​ល្អ​ ចំនួន​៨​នាក់​ ស្មើនឹង​៧,៩២​ភាគរយ​,​ និទ្ទេស​បង្គួរ​ចំនួន​២៧​នាក់​ ស្មើនឹង​២៦,៧៣​ភាគរយ​,​ និទ្ទេស​មធ្យម​ចំនួន​៦៤​នាក់​ ស្មើនឹង​៦៣,៦៣​ភាគរយ​។​

​លោកស្នងការ​រង​សាន​ សុភា​ បាន​គូសបញ្ជាក់​ថា​ សិក្ខាកាម​ទាំងអស់​បាន​លត់​ដំ​ខ្លួន​ មាន​សីលធម៌​ល្អ​ គោរព​វិន័យ​បទបញ្ជាផ្ទៃក្នុង​សាលា​បាន​ហ្មត់ចត់​ល្អ​ និង​សុភាព​រាបសា​មាន​សាមគ្គី​ភាពល្អ​ មិន​បង្ក​បញ្ហា​ដល់​សាលា​ឡើយ​ ។​
​លោក​ឧត្តមសេនីយ៍ត្រី​ បែន​ រ័​ត្ន​ ស្នងការ​នគរបាល​ខេត្តកំពង់ចាម​បាន​មាន​មតិ​ផ្តាំផ្ញើ​ដល់​សិក្ខាកាម​ទាំងអស់​ថា​ ពេល​វិល​ត្រឡប់​ទៅ​អង្គភាព​វិញ​ត្រូវ​យកចិត្តទុកដាក់​បង្កើន​សមត្ថភាព​ថែម​ទៀត​ ដោយ​មាន​ទាំង​ទ្រឹស្តី​នៃ​ការ​សិក្ខា​នេះ​ផ្សា​ភ្ជាប់​ជាមួយ​និង​ការ​អនុវត្ត​ភារកិច្ច​ជាក់ស្តែង​តាម​អង្គភាព​របស់​ខ្លួន​។​

​នៅ​ក្នុង​ឱកាស​នោះ​ លោកស្នងការ​ ស្នងការ​រង​បាន​ប្រគល់​លិខិតបញ្ជាក់​ការ​សិក្សា​ និង​ផ្តល់​រង្វាន់​លើកទឹកចិត្ត​ដល់​សិក្ខាកាម​តាម​និទ្ទេស​ ដោយ​ចំណាយ​ថវិកា​របស់​ខ្នង​ការដ្ឋាន​ និង​របស់​លោកស្នងការ​ផ្ទាល់​ ៕​ សុ​ភ័​ណ្ឌ​

IMG-20150313-WA0023
IMG-20150313-WA0020
IMG-20150313-WA0022

Loading...

Leave a Reply

Your email address will not be published. Required fields are marked *