​អតីត​មន្ដ្រីជាន់ខ្ពស់ និង​អតីត​យុវជន របស់​អតីត​គណបក្ស​សង្គ្រោះ​ជាតិ ប្រកាស​សុំចូល​រួម ជីវភាព​នយោបាយ ជាមួយ​គណបក្ស​ប្រជាជន​

ភ្នំពេញៈ អតីត​មន្ដ្រីជាន់ខ្ពស់ របស់​អតីត​គណបក្ស​សង្គ្រោះ​ជាតិ​ម្នាក់ ដែលមាន​តួនាទី ជា​ជំនួយការ​លោក សម រ​ង្ស៉ី​, លោកស្រី ជូ​ឡុង សូ​ម៉ា​រ៉ា​, លោក យឹម សុវណ្ណ ព្រមទាំង​ជា​អតីត​ប្រធាន រដ្ឋបាល​ខុទ្ទកាល័យ លោក សម រ​ង្ស៉ី បូករួម​ជាមួយ មនុស្ស​ចំនួន ២ នាក់​ទៀត ជា​អតីត​យុវជន​របស់ អតីត​គណបក្ស​សង្គ្រោះ​ជាតិ បានប្រកាស​សុំចូល​រួម ជីវភាព​នយោបាយ ជាមួយ​គណបក្ស​ប្រជាជន​កម្ពុជា​។​

​នេះ​បើតាម​ការបញ្ជាក់​អោយដឹងពី​លោក ឃួ​ង ស្រេង អភិបាល​រាជធានី​ភ្នំពេញ សមាជិក​គណៈកម្មាធិកា​រ​កណ្ដាល គណ​ប​ក្រ​ប្រជាជន​កម្ពុជា និង​ជា​អនុប្រធាន​គណៈកម្មាធិកា​រ គណបក្ស​ប្រជាជន​កម្ពុជា រាជធានី​ភ្នំពេញ ក្នុងឱកាស​ដែល​លោក អញ្ជើញ​ជា​អធិបតីភាព ក្នុង​ពិធី​ប្រកាស​បញ្ចូល សមាជិក គណបក្ស​ប្រជាជន​ជនកម្ពុជា​ថ្មី ទាំង​ប៉ុន្មាន​រូបនេះ នៅ​ទីស្នាក់ការ​គណបក្ស​ប្រជាជន​កម្ពុជា ខណ្ឌដូនពេញ នា​រសៀល ថ្ងៃទី​៣១ ខែ​មិនា នេះ​។​

ឈ្មោះ ឃាន វិសេស អាយុ ៣២ ឆ្នាំ
​លោក ឃួ​ង ស្រេង បាន​មានប្រសាសន៍ លើកឡើងថាៈ អតីតមន្ដ្រី​របស់​អតីត​គណបក្ស​សង្គ្រោះ​ជាតិ ទាំង ៣ នាក់​នោះ រួមមានៈ ទី​១. ឈ្មោះ ឃាន វិសេស អាយុ ៣២ ឆ្នាំ ដែល​កាល​នៅ​គណបក្ស​សង្គ្រោះ​ជាតិ មាន​តួនាទី​ជា​ជំនួយការ​លោក សម រ​ង្ស៉ី​, លោកស្រី ជូ​ឡុង សូ​ម៉ា​រ៉ា​, លោក យឹម សុវណ្ណ ព្រមទាំង​ជា​អតីត ប្រធាន​រដ្ឋបាល ខុទ្ទកាល័យ លោក សម រ​ង្ស៉ី​។ ទី​២. ឈ្មោះ សៅ ឧសភា អាយុ​២៧​ឆ្នាំ អតីត​យុវជន​គណបក្ស​សង្គ្រោះ​ជាតិ និង​ជា​អនុប្រធាន​យុវជន​ស្រុក​ព្រៃនប់ ។ ទី​៣. ឈ្មោះ យូ ច័ន្ទ​ធានី អាយុ​២៧​ឆ្នាំ អតីត​យុវជន​គណបក្ស និង​ជា​អតីត​សមាជិក​ក្រុម​ហ្វេ​ស​ប៊ុ​ក សម រង្ស៊ី​។​

ឈ្មោះ យូ ច័ន្ទ​ធានី អាយុ​២៧​ឆ្នាំ
​លោក​បាន​បញ្ជាក់ថាៈ ការដែល​បងប្អូន​ស្ម័គ្រចិត្ត ចូលមក​រួមរស់​ជាមួយ គណបក្ស​ប្រជាជន​កម្ពុជា​នេះ គឺ​បងប្អូន​គិត​បាន​ត្រឹមត្រូវ​ហើយ ព្រោះថា គណបក្ស​ប្រជាជន​កម្ពុជា មិន​ត្រឹមតែ​បាន​រំដោះ​ប្រទេសជាតិ ចេញពី​ការកាប់សម្លាប់​នោះទេ គឺ​បានធ្វើ​ការអភិវឌ្ឍ ប្រទេសជាតិ​មួយ​នេះ ឲ្យ​មានការ​អភិវឌ្ឍ រីកចម្រើន រហូតដល់​សព្វថ្ងៃនេះ ថែមទៀត​។​

​លោក ឃួ​ង ស្រេង បាន​បន្ថែមថាៈ គណបក្ស​ប្រជាជន​កម្ពុជា គឺជា​គណបក្ស​ស្នូល ក្នុងការ​បង្រួបបង្រួម​ជាតិ ស្វែងរក​សន្តិភាព ហើយ​អ្វីៗ ដែល​មាននៅ​សព្វថ្ងៃនេះ គឺជា​សមិទ្ធផល នៃ​មរតក​សុខសន្តិភាព និង​ការអភិវឌ្ឍ ដែល​កើតឡើង ដោយ​ការខិតខំ​ប្រឹងប្រែង របស់​ឥស្សរជន គណបក្ស​ប្រជាជន​កម្ពុជា​។ ជាងនេះទៅទៀត ខណៈដែល​ប្រទេសជាតិ កំពុង​ស្ថិតក្នុង​គ្រោះថ្នាក់ ដោយ​ជំងឺ​កូ​វីដ​-១៩​នេះ សម្តេច​តេ​ជោ នាយករដ្ឋមន្ត្រី និង​ជា​ប្រធាន​គណបក្ស​ប្រជាជន​កម្ពុជា បាន​ស្វះស្វែង រក​គ្រប់​មធ្យោបាយ ដើម្បី​ទិញយក​វ៉ាក់សាំង ចាក់​ការបង្ការ​ជំងឺ​-១៩ ជូន​ដល់​បងប្អូន​ប្រជា​ពលរ ដ្ឋ​ថែមទៀត​។​

ឈ្មោះ សៅ ឧសភា អាយុ​២៧​ឆ្នាំ
​ក្នុងឱកាស​នោះដែរ លោក​ឃួ​ង ស្រេង បាន​មានប្រសាសន៍ថាៈ រដ្ឋបាល​រាជធានី​ភ្នំពេញ បាន​ត្រៀម​រួចហើយ នូវ​អង្ករ​ប្រមាណ ១០ ម៉ឺន​តោន ដើម្បី​ទុក​ចែកជូន ប្រជាពលរដ្ឋ ដែល​រងគ្រោះ​និង ប្រជាពលរដ្ឋ ងាយ​រងគ្រោះ ក្នុងអំឡុងពេល​នៃ​ការ​រាតត្បាត​នៃ​ជំងឺ​កូ​វី​-១៩ ក្នុង​ព្រឹត្តិការណ៍​សហគមន៍ ២០​កុ​ម្ភះ​នេះ ៕

Loading...